प्रकाशपुर । एमाले निकट नेपाल राष्ट्रिय शिक्षक संगठन सुनसरीको अध्यक्षमा चुडामणि खनाल विजय भएका छन् । आज (शनिबार) सदरमुकाम इनरुवाको भगवती माविमा अध्यक्ष पदको लागि भएको निर्वाचनबाट खनाल विजय भएका हुन् ।
खनाले ६ सय १३ मत प्राप्त गरेका थिए भने उनका निकटतम प्रतिद्वन्द्वी राम विष्टले २ सय ४९ मत ल्याएका थिए । ३ सय ६४ मतको फरक मतान्तरले खनाल विजय भएको शिक्षक चन्द्र सिक्देलले जानकारी दिए ।
चुडामणि खनाल बराहक्षेत्र १० स्थित रहेको प्रकाश मावि प्रकाशपुरका प्रधानाध्यपक हुन । नेपाल राष्ट्रिय शिक्षक संगठन सुनसरीको कार्यसमितिमा ३४ जना रहने व्यवस्था छ । उपाध्याक्ष, सचिव लगायतका अन्य पदहरुमा यस अघि नै सर्वसहमत भएको थियो ।
आज भएको निवार्चानमा ८ सय ७३ मत खसेकोमा ८ मत बदर भएको थियो । खनाल संगठन भित्र लोक प्रिय शिक्षकका रुपमा परिचित छन् । नवनिर्वाचित अध्यक्ष चुडामणि खनालले शिक्षकहरुको हकहितका साथै सामुदायिक विद्यालयको शैक्षिक स्तर वृद्धिका लागि सबैसँग सहकार्य गरेर अघि बढ्ने बताएका छन् ।
