नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले युगान्तकारी परिवर्तन गरे पनि जनताले सुशासनको अनुभव गर्न नपाएको र जसलाई याे निर्वाचनले निर्णायिक परिमाण दिने बताएका छन् ।
मोरङ्ग जिल्लाको प्रमुख क्षेत्र तथा प्रदेश नं. १ को राजधानी रहेको बिराटनगरमा आफ्ना गठबन्धनलाई जिताउने प्रयासमा ठुला हाल सत्त गठबन्धनमा रहेका नेपाली कांग्रेस, नेकपा (एकिकृत समाजवादी), नेकपा (माओवादी केन्द्र) लगायतका पार्टी आफ्नो गठवन्धन भएको क्षेत्रमा आफ्ना उम्मेद्वार जिताउन लागेका छन् ।
मोरङको विराटनगरमा आयोजित गठबन्धनको संयुक्त भेलालाई सम्बोधन गर्दै उनले जनताको पक्षमा निर्णायक काम गर्ने बेला भएको बताए । आफूहरूले काम नगरेको कारण गणतन्त्र र सङ्घीयताको विरुद्धमा अभियान चलेको उनले स्वीकार गरे ।
अब सामाजिक न्याय र आर्थिक समृद्धिमा ध्यान दिनुपर्ने बेला भएको उनले प्रस्ट परे । गठबन्धन दलका कार्यकर्तालाई आश्वस्त पार्दै उनले भने “तपाईँहरू सबै नेता हो । यो निर्वाचन भनेको परिवर्तनको निम्तिको निर्णायक आन्दोलन हो । संविधान र लोकतन्त्रका खातिर एक हुने यो वृहत् आन्दोलनको पक्षमा सबै जना लाग्नुस् । सबैलाई अवसर आउँछ ।”
