पाल्पाको रामपुरमा करेन्ट लागेर एक जनाको मृत्यु भएको छ । रामपुर नगरपालिका वडा नं. ९ जब्गादी घर भएका २९ वर्षीय विष्णुबहादुर श्रेष्ठ घर नजिकै दवबदवेको रुखमा घाँस काट्ने क्रममा करेन्ट लागेर मृत्यु भएको छ ।
सोमबार बेलुका रुखको घाँस काट्न चढेका श्रेष्ठको बिजुलीको तारमा परी करेन्ट लागेर घाइते भएका थिए । घाइते भएको श्रष्ठलाई उपचारको लागि पाल्पा अस्पताल पठाइएको थियो ।
श्रेष्ठको उपचारको क्रममा पाल्पा अस्पतालमा नै मृत्यु भएको जिल्ला प्रहरी कार्यालय पाल्पाको प्रवक्ता डीएसपी वीरेन्द्र थापाले जानकारी दिए । घाँस काट्ने क्रममा मृतक श्रेष्ठले एक्कासी थ्रीफेज छुुन पुगेका थिए ।
