उर्लाबारी–७ को मौवा खोलामा छैठ मेला हेर्न आएका आमबाडीका १४ बर्षिय दियुस श्रेष्ठलाई चक्कु प्रहार गर्ने ५ जनाको संयुक्त टोली पक्राउ परेको छ ।
चक्कु प्रहार पछि फरार भएका प्रतिवादीहरुलाई जिल्ला प्रहरी कार्यालय मोरङ र ईलाका प्रहरी कार्यालय उर्लाबारीबाट संयुक्त रूपमा खटिएको प्रहरी टोलीले पक्राउ गरेको हो । घटनामा संलग्न ५ जना १८ बर्ष भन्दा मुनि उमेर समुहका रहेका छन् ।
१४ बर्षका श्रेष्ठलाई चक्कु प्रहार गर्नेमा चन्द्रमा चौक बस्ने बर्ष १७ को सरोज बस्नेत, तरूण चौक बस्ने बर्ष १६ को सपन खत्री, वानडाँडा बस्ने बर्ष १७ को सन्देश खवास र सोही स्थानका १७ बर्षिय विकास तामाङ रहेको प्रहरीले जनाएको छ ।
उर्लाबारी नगरपालिका वडा नं.७ स्थित मौवा खोलामा छैठ मेलामा आएको समयमा छुरा प्रहार गरी घाईते भएका श्रेष्ठको स्थानिय गोदावरी अस्पताल उर्लाबारीमा उपचारका लागि पठाएको थियो । त्यसपश्चात थप उपचारका लागि वि.एण्ड.सि.अस्पताल विर्तामोड पठाएको थियो । चक्कु प्रहारबाट सक्त घाइते भएको श्रेष्ठको उपचारको क्रममा कार्तिक १४ गते साेमबार बिहान ०४ः५० बजे मृत्यू भएको प्रहरीले जनाएको छ ।
घटनाकाे अनुसन्धान पश्चात घटनामा प्रयोग भएको चक्कु सहित जिल्ला प्रहरी कार्यालय मोरङ र ईलाका प्रहरी कार्यालय उर्लाबारीबाट संयुक्त रूपमा खटिएको प्रहरी टोलीले पक्राउ गरेको हो ।
पूर्व रिसिईवीको कारण छुरा प्रहार गरिएको प्ररम्भिक अनुसन्धानबाट खुलेको र घटनको बारेमा थप अनुसन्धान कार्य भई ईलाका प्रहरी कार्यालय उर्लाबारीले जनाएको छ ।
