सुनसरी । आगामी मंसिर ४ गते हुन प्रतिनिधिसभा तथा प्रदेश सभाको निर्वाचनमा नेपाली कांग्रेसमा असहमती देखाएर बागी उम्मेद्वारी दिएका नेताहरुलाई आफ्नो उममेद्वारीबारे पुर्नविचार गर्न आग्रह गरेको छ ।
कार्तिक १५ गते पार्टी कार्यालय इनरुवामा बसेको बैठकले बागी उम्मेद्वारी दिएका नेपाली कांग्रेसका नेताहरुलाई आफ्नो उम्मेद्वारी निश्क्रिय गरेर गठबन्धनका आधिकारीक उम्मेद्वारहरुका पक्षमा सक्रिय भएर प्रचारप्रसार अभियानमा संलग्न रहन अनुरोध गरेको छ ।बागी उम्मेद्वारी दिएका नेताहरुको प्रस्तावक तथा समर्थक बनेका पार्टीको सदस्यको सदस्यता स्वतः खारिज हुने व्यवस्था रहेको र उक्त उम्मेद्वारी कार्तिक १७ गतेसम्म फिर्ता लिएमा सदस्य रहिरहने जनाएको छ ।
उम्मेद्वारी फिर्ता नलिएको खण्डमा विधान अनुसार साधारण सदस्यबाट समेत निस्कासन गरिने तथा पार्टीको उम्मेद्वारका विरुद्धमा सामाजिक संजाल मार्फत वा अभिव्यक्तिद्वारा गलत र भ्रामक प्रचारप्रसार गरेमा कानुनी कार्वाही सहित पार्टीको साधारण सदस्यबाट समेत निष्कासन गरिने नेपाली कांग्रेसको जिल्ला कार्यसमितिले जनाएको छ ।
