ओखलढुंगाको सिद्धिचरण नगरपालिका–३ का ३३ बर्षीय राजेन्द्र राईले आफ्नै छोरीको हत्या गरेको र श्रीमतीलाई खुकुरी प्रहार गरेको आरोपमा प्रहरीले पक्राउ गरेको छ ।
मदक पदार्थ सेवन गरेर आफ्नै २ बर्षका छोरी रितिका राईलाई खुकुरी प्रहार गरेर हत्या गरेको प्रहरीले जनाएको छ । त्यसैगरी २१ बर्षीय श्रीमती उषा राईलाई टाउको र ढाडमा खुकुरी प्रहार गरेर गम्भिर घाइते बनाएको प्रहरीले जनाएको छ ।
सामान्य वाद विवादको क्रममा आफ्नै परिवार माथि जाइलागेका थिए । छोरीको हत्या गरे पश्चिात श्रीमतीलाई खुकुरी प्रहार गरेका राईले आफ्नै टाउकोमा समेत खुकुरी प्रहार गरेको प्रहरीले जनाएको छ ।
टाउकोमा चोट लागेर घाईते भएको अवस्थामा प्रहरीले राईलाई पक्राउ गरेको हो ।
खुकुरी प्रहारबाट घाइते भएकी उषा राईको मिसन अस्पताल ओखलढुंगामा उपचार भइरेहको प्रहरीले जनाएको छ ।
राईलाई ज्यान सम्बन्धि कसुरमा जिल्ला अदालत ओखलढुंगाबाट प्रकाउ अनुमति लिई थप अनुसन्धान भईरहेको जिल्ला प्रहरी कार्यालय ओखलढुंगाले जनाएको छ ।
