मोरङ र सुनसरीको छुट्टा छुट्टै दुई स्थानबाट प्रतिबन्धित लागुऔषध सहित १ जनालाई प्रहरीले पक्राउ गरेको छ ।
सोमवार बिराटनगर महानगरपालिका –१५ ढाटबाट लागुऔषध नियन्त्रण ब्युरो बिराटनगरबाट खटिएको प्रहरी टोलीले चेकजाँच गर्ने क्रममा भारतबाट नेपाल तर्फ आउदै गरेको सुन्दरहरैचा नगरपालिका–६ का २० बर्षीय पुजन लिम्बुको साथबाट NITRAZEPAM- 50 चक्की फेला पारी नियन्त्रणमा लिएको हो ।
त्यस्तै आज बिहान ३ बजे बर्जु गाउपालिका ६ स्थितमा ईलाका प्रहरी कार्यालय चिमडीबाट खटिएको प्रहरी टोलीले बाटोको साईटमा राखीएको प्रदेश नम्बर १–०२–०४३प९९३४ नम्बरको पल्सर मोटरसाईकलमा राखीएको कालो ब्यागमा ४० के.जी गाँजा फेला पारी बरामद गरेको हो ।
बरामद गरेको लागु औषध र पक्राउ परेको लिम्बुको सम्बन्धमा थप अनुसन्धान भइरहेको प्रहरीले जनाएको छ ।
