सुनसरी । बराहक्षेत्रको राजाबासमा जारी प्रदेश १ स्तरीय प्रथम राजाबास गोल्डकप फुटबल प्रतियोगिताको उपाधि टिडब्लुवाइसी विराटनगरले पाएको छ ।
बिहीबार भएको फाइनल खेलमा कल्चरल ग्रिन क्लब चक्रघटीलाई २-० गोल अन्तरले हराउँदै टिडब्लुवाइसीले गोल्डकपको उपाधि जितेको हो ।
खेलको आठौं मिनेटमा टिडब्लुवाइसीका भुवन बस्नेतले गोल गर्दै टिमलाई अग्रता दिलाएका थिए । खेलको ३१औं मिनेटमा टिडब्लुवाइसीका पुजन उपरकोटीले गोल गरे । उनको सो गोल ने निर्णायक बन्यो । यता ३ जना बिदेशी खेलाडी र एडिभिजनका खेलाडी समावेश गरेको कल्चरलले आधा दर्जन भन्दा धेरै गोल गर्ने अवसर गुमायो ।
खेलको म्यान अफ दि म्याच कल्चरल ग्रिन क्लबका बिदेशी खेलाडी ओगेल इनामे घोषित भए । टिडब्लुवाइसीका गोलरक्षक पुर्ण चेम्जोङ उत्कृष्ट गोलरक्षक घोषित भए । कल्चरलका भूषण सुब्बा बेस्ट डिफेन्स, टिडब्लुवाइसीका असिम राई बेस्ट मिङ फिल्ड, राजाबास युथ क्लबका बिमल राई राइजिङ प्लेयर्स घोषित भए । उनीहरु सबैले नगद ४ हजार रुपैयाँ प्राप्त गरे ।
त्यस्तै टिडब्लुवाइसीका भुवन बस्नेत हाई स्कोर घोषित हुँदै ५ हजार प्राप्त गरे । उनले प्रतियोगिता अवधिभरी ४ गोल गरेका थिए । त्यसैगरी टिडब्लुवाइसीका मिलन राई बेस्ट प्लेयर अफ टुर्नामेट घोषित हुँदै ७ हजार रुपैयाँ प्राप्त गरे ।
गोल्डकपको बिजेता टिडब्लुवाइसी विराटनगरले नगद १ लाख ११ हजार १ सय ११ रुपैयाँ, मेडल, ट्रफी र प्रमाणपत्र प्राप्त गर्यो । त्यसैगरी उपबिजेता कल्चरल ग्रिन क्लब चक्रघटिले ५० हजार ५ सय ५५ रुपैयाँमा, मेडल, ट्र्फि र प्रमाणपत्र प्राप्त गर्यो ।
आयोजक राजाबस युथ क्लबका अध्यक्ष विशाल राईको सभापतित्व रहेको कार्यक्रममा बराहक्षेत्र नगरपालिका प्रमुख निलम खनालको प्रमुख अतिथि थिए । नगरपालिकाकी उपमेयर कमला मगर विशेष आतिथ्यता तथा खेलकुद संयोजक आसाराम चौधरी, वडा नम्बर ९ वडा अध्यक्ष दिपक लिम्बू लगायत अन्य वडाध्यक्ष , राजनीतिकर्मी, समाजसेवी, संघसंस्थाका प्रतिनिधि लगायतको आतिथ्यता रहेको थियो ।
प्रतियोगितामा १ नम्बर प्रदेश सामाजिक विकास मन्त्रालयको विशेष सहयोग गरेको थियो । भरत बिष्टले प्रायोजन गरेको सो प्रतियोगितालाई बराहक्षेत्र नगरपालिकाको कार्यालयले संयोजक गरेको थियो ।
वडा ९ को समेत विशेष सहयोग रहेको सो गोल्डकप १४ कात्तिकमा सुरु भएको थियो । बराहक्षेत्र नगरपालिका वडा ९ राजाबास स्थित सरस्वती माबिको खेलमैदानमा सञ्चालन भएको गोल्डकपमा ८ टिम सहभागी थिए ।
