सुनसरी । बराहक्षेत्र ३ नडाहामा जारी बराहक्षेत्र प्याब्सन सप्ताह खेलकुद अन्तर्गत मंगलबार भएको खेलमा जय सप्तकोसी इङ्गलिस स्कुल बराहक्षेत्र १० र सुनसरी गार्डेन एकेडेमी बराहक्षेत्र ६ विजयी भएका छन् ।
एभरेष्ट फुटबल क्लबको खेलमैदानमा जारी अन्तर विद्यालय फुटबल प्रतियोगिताको मंगलबार भएको माद्यामिकतर्फको दुवै खेलमा जय सप्तकोसी र सुनसरी गार्डेन विजयी हुँदै सेमिफाइनलमा प्रवेश गरेका छन् ।
पहिलो खेलमा सनसाइन इङलिस स्कुल बराहक्षेत्र १०लाई २- १ गोल अन्तरले हराउँदै जय सप्तकोसी सेमिफाइनलमा प्रवेश गरेको हो । खेलको २९औं मिनेटमा सनसाइनका आकाश बिकले पहिलो गोल गदैृ खेललाई अग्रता दिलाएका थिए ।
दोस्रो हाफको १२औं मिनेटमा जय सप्तकोसीका पुजन उराँवले गोल गर्दै खेल बराबरमा पुर्याएका थिए । दोसा्रो हाफको १४औं मिनेटमा जय सप्तकोसीका सचिन बुढाथोकीले गोल थप्दै २-१ गोल अन्तर बनाएर खेल आफ्नो कब्जामा लिन सफल भए । जय सप्तकोसीका सचिन बुढाथोकी म्याच अफ दि म्याच घोषित भए ।
दोस्रो खेलमा राजाबास इङलिस स्कुल बराहक्षेत्र ९ लाई २ – १ गोल अन्तरले परिजित गर्दै सुनसरी गार्डेन सेमिफाइनलमा प्रवेश गरेको हो । खेलको आठौं मिनेटमा सुनसरी गार्डेनका प्रश्नन भुजेलले गोल गर्दै खेललाई अग्रता दिलाएका थिए । खेलको २२औं मिनेटमा राजाबास इङलिस स्कुलका दिपेन लिम्बूले गोल फर्काउँदै खेललाई बराबरिमा पुराएका थिए । पहिलो हाफसम्म १ १ गोलको अवस्था रहेपनि दोस्रो हाफको १७औं मिनेटमा सुनसरी गार्डेनका रमेश बिकले गोल गर्दै २(० अन्तरले बनाए । खेलको म्याच अफ द म्याद सुनसरी गार्डेनका गोलरक्षक आयुश बजगाईं घोषित भए ।
बुधबार आधारभुत स्तरीय दुई खेल हुने आयोजक बराहक्षेत्र प्याब्सन नगर कार्यसमितिले जनाएको छ । पहिलो खेल आईरिस बराह एकेडेमी बराहक्षेत्र १ र पिसुपुल इङलिस स्कुल बराहक्षेत्र ५ बीच हुनेछ । त्यस्तै दोस्रो खेल सुनसरी स्टार एकेडेमी बराहक्षेत्र ८ र सप्तकोसी बिद्या मन्दिर बराहक्षेत्र ७ बीच हुनेछ ।
प्रतियोगितामा प्रथम हुने (आधारभुत र माद्यामिक) दुवै विधाका विद्यालयलाई नगद १५ हजार रुपैयाँ, २० तोला चादीँकोको सिल, मेडल तथा प्रमाणपत्र र दोस्रो हुनेलाई १० हजार रुपैयाँ, मेडल तथा प्रमाण पत्र प्रदान गरिने बराहक्षेत्र प्याब्सनले जनाएको छ । साथै सम्पुर्ण बिधामा ट्रफी र मेडल प्रदान गर्नृ खेल संयोजक शरण लिम्बूले बताए । खेल ३० गतेसम्म सञ्चालन हुनेछ।
उक्त प्रतियोगितालाई सफल पर्न एभरेष्ट फुटबल क्लबले सहकार्य गरेको छ ।
