महोत्तरीको भंगहा नगरपालिकामा दुई पक्षबीच भएको झडपले उग्र रूप लिएपछि जिल्ला प्रशासन कार्यालयले अनिश्चितकालीन कफ्र्यू जारी गरिएको छ ।
बिहीबार बिहानैदेखि हिन्दु सेना सम्राटका कार्यकर्ता बताउने समूह र मुस्लिम समुदायबीच दिनभर झडप हुँदा अनिश्चितकालका लागि कफ्र्यू जारी गरिएको महोत्तरीका प्रहरी प्रवक्ता डिएसपी चन्देश्वर यादवले जानकारी दिए ।
डिएसपी यादवका अनुसार आज बिहान करिब १० बजेतिर हिन्दु सेना सम्राटले मार्च पास निकालेका थिए । त्यसै क्रममा वडा नम्बर ८ स्थित पररियामा दुबैतर्फबाट भएको ढुंगामुढा साथ झडप भयो सो क्रममा सुरक्षाकर्मी समेत गरी झन्डै एक दर्जन व्यक्ति घाइते भएको डिएसपी यादवले बताए ।
अवस्था तनावग्रस्त भएपछि प्रहरीले ३२ राउन्ड बढी हवाई फायर गरेका थिए । जसबाट चार जनालाई गोली लागेको हल्ला चले पनि अहिलेसम्म पुष्टि हुन नसकेको डिएसपी यादवको भनाइ छ । अहिले अवस्था घाइते प्रहरीहरुको अवस्था सामान्य रहेको साथै स्थिति पनि सामान्य भएको उनले बताए ।
साँझ ४ बजेदेखि शान्त भएको विवाद राती बढ्न सक्ने आशंकामा त्यस क्षेत्रमा अनिश्चितकालीन कफ्र्यू जारी गरिएको जिल्ला प्रशासन कार्यालय महोत्तरीले जनाएको छ ।
