रामधुनी । जेफाले सृजना डबलीको १३ औं शृङखलामा गजलकार रोमु अधिकारीले आफ्ना सिर्जना वाचन गरेका छन् । गत शुक्रबार केराबारी १० स्थित जमूना होटलमा भएको कार्यक्रममा रामधुनी झुम्काका गजलकार अधिकारीले आफ्ना रचना वाचना गरेका हुन् ।
अधिकारीले निरन्तर एकपछि अर्को गर्दै गजलका शेरहरु पस्केपछि होटलको प्रांगण नै गजलमय बनेको थियो ।
पर्यटन र साहित्यलाई संगैसंगै भन्ने मुल उद्देश्यले केराबारीको भिन्न भिन्न ठाँउमा भिन्न कलाकारहरुको साथमा हरेक शुक्रबार संञ्चालन हुदै आएको सृजना डबलीको १२ औं श्रृंखलामा साहित्यिक स्रष्टा अधिकारीले आधा दर्जन भन्दा बढी गजल वाचन गरेकाथिए ।
झण्डै ३ सय भन्दा बढी गजल लेखी सकेका अधिकारीले विभिन्न कार्यक्रममा विविध विषयमा गजल लेख्दै आएका छन् । अधिकारीले डबलीको श्रृंखलामा आउँन पाउँदा आफू खुशी भएको बताउँदै पछिलो समय साहित्यिक स्रष्टाहरुको कार्यक्रम हराउँदै गएको प्रति चिन्ता व्यक्त गरेका थिए । उनले बाल्यकालमा शखीले खेलौं गोटी भन्थिन्, मेरो एउटा साथी थिइन् उनको नाम गौरी थियो लगायतका गजल वाचन गरेका थिए ।
साहित्यिक स्रष्टाहरुलाई उभ्याएर सर्जकहरुको रचना वाचन गर्ने र साहित्यानुरागीहरुलाई हरेक नयाँ नयाँ ठाउँमा लगेर त्यहाँको परिचय गराउने उद्देश्यले कार्यक्रमको आयोजना गर्दै आएका गजलकार तथा साहित्यकार युवराज ठकुरीेले यस कार्यक्रमलाई सञ्चालन गर्दै आएका छन् ।
