रामधुनी । ‘महिला तथा किशोरीमाथि हुने हिंसा विरुद्ध हाम्रो एकताबद्ध’, भन्ने मुल नाराकासाथ रामधुनीमा कार्यक्रम सञ्चालन गरिएको छ ।
रामधुनी नगरपालिका तथा ३ नं. वडा कार्यालयको समन्वयमा सञ्चालन भएको उक्त कार्यक्रम रामधुनी नगरपालिकाका नगरप्रमुख तथा उपप्रमुखले शुक्रबार कार्यक्रम उद्धाटन गर्नुभएको हो भने सरस्वती अङ्ग्रेजी बोर्डिङ् स्कुल, सिंगियाले आयोजना गरेको हो ।
महिला तथा किशोरीमाथि हुने लैङ्गिक हिंसालाई निरकरण गर्ने र समाजमा छोराछोरी विचको असमानतालाई हटाई छोरा सो सरह शिक्षा, स्वास्थ्य, लगायतको पहुँचमा पुर्याएर समाजमा महिला तथा किशोरीहरुको अधिकार सुनिश्चित गर्ने उद्देश्य रहेको आयोजकले खबरबिटलाई जानकारी दिएको छ ।
‘लैङ्गिक समानता मानवअधिकार, छोराछोरी दुबै बराबर’ लगायतका विभिन्न नाराहरुका ¥याली आयोजना गर्ने, नाटक, नृत्य, लौङ्गिक हिंसा विरुद्धका गीतहरुका साथ कार्यक्रम आयोजना गरिएको हो ।
शुक्रबारका दिन देखि सुरु गरिएको उक्त कार्यक्रमको आज आइतबार दोस्रो दिन रामधुनी न.पा. वडा नं. ३ स्थित सिंगिया हाटखोलामा आयोजना भएको आयोजकले जनाएको छ ।
कार्यक्रममा विभिन्न स्कुल तथा कलेजमा अध्यनरत छात्रछात्र, विद्यालयका विद्यार्थी, अभिभावक तथा स्थानियहरुको सहभागीता रहेको थियो ।
निजि विद्यालय भएर पनि सामाजिक कार्यमा आवद्ध रहेर समाजमा विद्यमान रहेका सामाजिक न्याय सम्बन्धीको कार्यक्रम सरस्वती स्कुलले आयोजना गरेकोमा स्थानिय तथा अभिभावकहरुको प्रतिकृया रहेको थियो ।
साथै सय किसिमको कार्य कार्यक्रममा मात्र सिमित नराखि यसको प्रभावकारीतामा ध्यान दिनुपर्ने कार्यक्रममा उपस्थित छात्रछात्रा, अभिभावक लगायत सहभागीहरुले जोडदिए । उक्त कार्यक्रम १६ दिनसम्म सञ्चालन रहने छ ।
