रामधुनी । हरेक बर्ष डिसेम्बर ३ तारिक अर्थात मंसिर १७ गते मनाइने अन्तराष्ट्रिय अपाङ्गता दिवस साप्ताहिक रुपमा मनाउन सकिने उक्त कार्यक्रम रामधुनी नगरपालिकामा पनि मंगलबार भव्यताका साथ सम्पन्न भएको छ ।
नेपाल अपाङ्गता नगर समितिको आयोजना, रामधुनी नगरपालिका तथा करुणा फाउण्डेसनको सहयोगमा “समावेशी विकासका लागि रुपान्तरित समाधानः पहुँचयूक्त समतामुलक विश्वकालागि उर्जावान सिर्जनशिलताको प्रावधान” भन्ने मुल नाराका साथ अपाङ्गता भएका व्यक्तिहरुको ३१ औं अन्तराष्ट्रिय अपाङ्गता दिवस मंगलबार रामधुनी नगरपालिकामा सम्पन्न भएको छ ।
रामधुनी नगरपालिकाको कार्यालय सिंगियाको सभाहलमा आयोजना गरिएको उक्त कार्यक्रममा गत मंसिर ४ गते सम्पन्न प्रतिनिधिसभा तथा प्रदेश सभा सदस्य निर्वाचनमा सुनसरी क्षेत्र नं. २ बाट निर्वाचित भएका प्रदेश १ का पुर्व मुख्यमन्त्री तथा प्रतिनिधिसभा सदस्य निर्वाचनबाट निर्वाचित भीम प्रसाद आचार्यको प्रमुख अतिथ्यो रहेको थियो ।
त्यस्तै सुनसरी क्षेत्र नं. २ को प्रदेश सभा क्षेत्र (१) बाट निर्वाचित भएका रेवतीरमण भण्डारी तथा सुनसरी क्षेत्र नं.२ को प्रदेश सभा क्षेत्र (२)बाट निर्वाचित राम प्रसाद मेहेता, रामधुनी नगरपालिकाका नगरप्रमुख शंकरलाल चाैधरी तथा नगर उपप्रमुख तथा अपाङ्गता नगर समन्वय समितिका सांयाेजक तारा थापाको विशेष आतिथ्योमा सम्पन्न भएको उक्त कार्यक्रममा रामधुनी नगरपालिकाको ९ वटै वडाका वडाध्यक्ष, विभिन्न संघसंस्थाका प्रतिनिधि तथा नगरपालिका भित्र रहेका अपाङ्गता भएका व्यक्तिहरुको उल्लेखनिय सहभागीता रहेको थियो ।
उक्त कार्यक्रममा गत मंसिर ४ गते सम्पन्न प्रतिनिधिसभा तथा प्रदेश सभा सदस्य निर्वाचनमा सुनसरी क्षेत्र नं. २ बाट निर्वाचित भएका प्रतिनिधिसभा तर्फ निर्वाचित भएका भीम प्रसाद आचार्य प्रदेश सभा सदस्य तर्फका सुनसरी क्षेत्र नं. २ (क)का रेवती रमण भण्डारी तथा २(ख) का राम प्रसाद मेहेताहरूलाइ नगर समितिले सम्मान गरिएकाे हाे ।
त्यस्तै अपाङ्गता भएता पनि आफ्नो क्षमता बृद्धी गर्दै उच्च शिक्षा अध्ययन गर्दै गरेका तथा विभिन्न किसिमका उध्यसिलताका कार्यगर्दै आत्मनिर्भर भएर व्यपार व्यवसाय संचालन गर्ने र रोजगार भएका साथै अपाङ्गता क्षेत्रमा उल्लेखनिय कार्यगर्ने ९ जना अपाङ्गता भएका व्यक्तिहरुलाई सम्मान गरेको आयोजक समितिले जनाएको छ ।
अधिल्ला बर्ष भन्दा यस बर्ष अपाङ्गताको सहभागीता उल्लेखनिय रहेको आयोजक समितिका सचिव गोविन्द बहादुर बिष्ट बताए ।
त्यस्तै उक्त कार्यक्रमका क्रममा सम्बाददातासंग कुराकानी गर्दै आयोजक समितिका सहसचिवले रामधुनी भित्र छरिएर रहेका घरभित्र गुम्सिएर बसेका अपाङ्गतालाई पनि अपाङ्गता भएका व्यक्तिहरुका लागि उल्लेखनिय र भरोसा हासिल गरेको र आफ्नो अधिकारका लागि पहल गर्न सक्ने हौसला दिन सफल भएको र जसको नतिजा स्वरुप आजको कार्यक्रममा सहभागितामा बृद्धी गर्न सफल भएको बताएका छन् ।
