रामधुनी । नगरपालिकाको कार्यसम्पादन स्तरलाई सुधार गर्न सहयोग पुर्याउने मुख्य उद्देश्य रहेको सामाजिक परिक्षण कार्यक्रम रामधुनीमा सम्पन्न भएको छ ।
रामधुनी नगरपालिकाको सभाहलमा आयोजना भएको उक्त कार्यक्रम साझेदारी नेपालको आयोजना तथा रामधुनी नगरपालिकाको सहयोगमा आयोजना भएको उक्त कार्यक्रममा जनमतबाट प्राप्त अभिमतको समिक्षा गरिएको थियो ।
नगरपालिकाको संगठनको संरचना, नीति, रणनीति तथा आगामी कार्यक्षेत्र र सोको प्रभावकारीता लगायत विभिन्न क्षेत्रसंग सम्बन्धित विषयमा छलफल तथा परामर्श संकलन गरी प्रतिबेदन प्रस्तुत गरेको थियो ।
उक्त कार्यक्रममा नगरपालिकाका नगरप्रमुखको सभापतित्व तथा नगर उपप्रमुख, प्रमुख प्रशासकिय अधिकृत तथा शाखा प्रमुख साथै ९ वटै वडाका वडाध्यक्ष, सचिवहरुको उपस्थिति रहेको थियो ।
त्यसैगरी उक्त कार्यक्रममा रामधुनीमा रहेर विभिन्न क्षेत्रमा सामाजिक कार्यगर्दै आएको समाजसेवी, विज्ञ, सञ्चारकर्मी लगायतको उपस्थिती रहेको थियो ।
उक्त कार्यक्रममा समेटीनुपर्ने केही समाजका विद्यमान समस्यालाई संकलन गर्ने तथा प्रतिबेदनमा समावेश गरिने आयोजक समितिले जनाएको छ ।
