थारु गायक सुनिल चौधरीको शब्दसंगित तथा स्वरमा रहेको यलै माघी रे बोलको गीत सार्वजनिकको तयारीमा रहेको छाँयङ्कन टोलीले जनाएको छ ।
बेट स्टुडियो काठमाडौमा रेकर्ड गरिएको उक्त गीतमा सुरज श्रेष्ठको एरेन्जमेन्ट रहेको छ ।
थारु समुदायको सांस्कृतिक गित रहेकाले नयाँ बर्षका रुपमा मनाइने माघी अर्थात मकर संक्रान्तीलाई लक्षित गरेर सार्वजनिक गर्न लागिएको गायक सुनिल चौधरीले खबरबिटलाई जानकारी दिए ।
थारु समुदायमा नयाँ बर्षका रुपमा मनाइने माघी अर्थात मकर संक्रान्तीमा तिल तथा भुजाको लड्डु बनाइ आफ्ना परिवार जनमा खुसी साटासाट गरी मनाइने उक्त पर्वमा थारुहरुको विशेष परिकार घुङ्गी, बगीया लगायत विभिन्न मिष्ठान्न पकाएर खाने चलन रहदै आएको गायक चौधरीले जानकारी दिए ।
पूर्वी नेपाल देखि पश्चिमसम्मका सम्पूर्ण थारु समुदाय तथा थारुहरु एक हुनु पर्छ र आफ्नो भाषा संस्कृति खानपानलाई विशेषताका लिदै आफ्नो संस्कृतिलाई सम्मान गर्दै सदैव संस्कृतिको जगर्नो गर्नु पर्छ भन्ने मुल उद्धेश्यका गीत सार्वजनिक गर्न लागिएको गायक चौधरीको भनाइ छ ।
द राइजिङ्ग म्यूजिकल डान्स क्रियु सुनसरीकाे प्रस्तुती तथा सेबिल ईन्टरटेनमेन्टको युटुव च्यानल र द राइजिङ्ग म्यूजिकल डान्स क्रियु सुनसरीकाे संयुक्त छाँयङ्कन गरिएकाे उक्त गितले थारु संस्कृति तथा समुदायको भाव झल्काएको गीत रहेको गायक चौधरीले बताए ।
सुमधुर स्वरका धनी सुनिल चौधरी, बिबेक चौधरी, अभिराम चौधरी तथा गायिका अनुमा चौधरी, रोजिना चौधरी, सिर्जना चौधरीको स्वर रहेको उक्त गीतमा चर्चित कलाकार गोबिन्द चौधरी, रिना चौधरी, निक्स चौधरी, मनिका चौधरी, प्रल्हाद चौधरी र बन्धना चौधरीको प्रमुख भुमिका रहने जानकारी दिए ।
निर्देशक रजनिश चौधरीको निर्देशनमा रहेको उक्त गीतलाई श्रवण चौधरीले छायांकन गरेको छन् । माकर संक्रान्तिको अवसरमा सेबिल ईन्टरटेनमेन्टको युटुव च्यानलबाट सार्वजनिक गर्न लागिएको गायक चौधारीले खबरबिटलाई जानकारी दिए ।
