सुनसरी । गत मंसिर ४ गतेसम्पन्न प्रतिनिधिसभा तथा प्रदेश सभा सदस्य निर्वाचनमा समानुपातिकबाट प्रदेश सभा सदस्यमा निर्वाचित हुन सफल यसोदा कायस्थलाई सुनसरी जिल्ला भरी छरिएर रहेका उद्यमी महिलाहरुले सम्मान गरेका छन् ।
नेकपा एमालेको समानुपातिक तर्फबाट १ नं. प्रदेश सभा सदस्यमा निर्वाचित हुन सफल कायस्थलाई सुनसरीमा महिला उद्यमीहरुले आज एक कार्यक्रमका आयोजना गर्दै सम्मान व्यक्त गरेका हुन् ।
नेपाल उद्यमशील महिला संघ सुनसरी जिल्ला भित्र रहेका जिल्ला तथा नगर समितिको संयुक्त आयोजनामा आयोजित बधाई तथा शुभकामना कार्यक्रममा प्रदेशसभा सदस्य कायस्थलाई सम्मान गरिएको हो ।
रामधुनी नगरपालिका स्थित १ नं. वडा कार्यालयको भवनमा आयोजना गरिएको उक्त कार्यक्रमको प्रमुख अतिथि कायस्थले मन्तब्यका क्रममा आफुले सुनसरी जिल्लामा भएका उद्यमी महिलाहरुको अभिभावकका बन्न पाएकोमा खुसी व्यक्त गरेकी हुन् ।
उनले आफुले विगतको भन्दा थप कार्यभार लिर्दै प्रदेशसभाको सदस्य भएर प्रदेशको अभिभावकका रुपमा कार्यभार पाएकोमा पार्टीलाई धन्यबाद दिदै आम उदमी महिलाहरुको आत्मबल बढाउदै अभिभावकत्वको जिम्मेवारी वहन गर्न पाएकोमा धन्यबाद व्यक्त गरेकी हुन् ।
उनले आफ्नो मन्तब्यमा नेकपा एमालेका स्वर्गिय मदन भण्डारीको जनताको बहुदलिय जनबादको शब्दले हृदय छुएपछि आफू पार्टीमा सकृय भएको उनको भनाइ छ ।
साथै महिला हकहित तथा अधिकार महिलाहरुलाई प्रदानगर्ने मौका दिएकोमा कृतक्षता प्रस्तुत गर्दै पदलाई कुनै होडबाजीमा गर्न नहुने बताएकी छिन् । उनले आफुलाई आमन्त्रण गरेर सम्मान गरेर माया सदभाव दिएकोमा आयोजक समितिलाई धन्यबाद व्यक्त गरेकी थिइन् ।
प्रदेशसभा सांसद कायस्थ नेपाल उद्यमशील महिला संघ सुनसरी तथा महिला एकता मञ्च नेपाल, धरानकाे अध्यक्ष र नेपाल रेडक्रस साेसाइटी सुनसरी, विजयपूर शाखाकाे सभापति समेत रहेकी छिन् ।
