सुनसरी । नेपाल विद्युत प्राधिकरण इटहरी वितरण केन्द्रबाट वितरण हुदैगरेको विद्युतीय सेवाहरु कटौति हुने भएको छ ।
आज शुक्रबार एक सूचना प्रकाशन गर्दै प्राधिकरणले खनार सव–स्टेसनको प्रायङ्गनमा लाईन निर्माण तथा मर्मत सुधार लगायतका कार्यहरु गर्नुपर्ने भएपछि शुक्रबार एक सूचना प्रकाशन गर्दै प्राधिकरणले समग्र सेवाग्राहीहरु समक्ष यस्तो अनुरोध गरेको हो ।
प्राधिकरणका अनुसार ३३÷११ के.भि. खनार सव–स्टेसनबाट आपुर्ति भइरहेको फिडरहरुको विधुत लाईन भोलि शनिबार विहानको ८ बजेदेखि दिउसो ३ बजेसम्म अवरुद्ध रहेने सूचनामा उल्लेख गरिएको छ ।
विधुतीय गैंसार फिडरबाट प्रवाह हुने इटहरीको मुख्य चौक सहितको ओशो चौक, कलंकी चौक, पचरुखी, बालग्राम, लविपुर, भाटभटेनी आसपसका क्षेत्रमा प्रवाह हुने विधुतिय लाईन अवरुद्ध रहेने प्राधिकरणको सूचनामा उल्लेख छ ।
त्यस्तै पकली फिडरबाट प्रवाह हुने झुम्का बजार सहितको मुख्य चौक, लविपुर, बक्लौरी, पञ्चायन, मियाटोल लगायतका सम्पूर्ण क्षेत्र साथै ३३ के.भि रिलायन्स फिडरबाट प्रवाह हुने रिलायन्स उद्योग तथा त्यसका आसपासका क्षेत्रमा विधुत सेवा अवरुद्ध रहने प्राधिकरणद्वारा प्रकाशित सूचनमा उल्लेख छ ।
यसबाट सेवाग्राहीहरुमा परेको असुविधालाई नेपाल विद्युत प्राधिकरण इटहरी वितरण केन्द्रले क्षम व्यक्त गरेको छ । साथै तोकिएको समय भन्दा अगावै पनि विदुतिय आपूर्ति सुचारु हुनसक्ने समते प्राधिकरणको सूचनामा उल्लेख छ ।
