सुनसरी । रामधुनी नगरपालिका वडा नं. ४ स्थित सुन्दरपूर टोल बिकास संस्थामा पौने ३ कठ्ठामा सञ्चालित बाख्रा फारममा शनिबार आगलागि हुँदा उन्नत जातका करिब २०० बाख्रा आगलागीमा जलेर नष्ट भएका छन् ।
रामधुनी ४ का जङ्ग बहादुर राउतद्वारा सञ्चालित उक्त फर्ममा करिब १८० वटा बाख्रा साथै ३० सुत्केरी बाख्रासहित फर्म जलेर नष्ट भएको अस्थायी प्रहरी बिट लालपुरले जनाएको छ ।
शनिबार राति १० बजे फर्मको सम्पूर्ण कार्य समापन गरेर फर्मका हेर्चाह कर्मचारी हेम बहादुर बिष्टलाई फर्ममा छोडेर लालपूर बजारमा रहेको आफ्नो निजि घरमा फर्किएको करिब डेढ घण्टाको समयपछि आगलागि भएको सञ्चालक राउतको भनाइ छ ।
फर्म हेर्चाह कर्मचारी बिष्ट राति ११ः३० बजे बाख्राहरुको आवाज पश्चात हेर्नजाँदा आगोले उघ्र रुप लिसकेका कारण खोरबाट एउटा बयर जातकाे बोकालाई उद्धार गर्न सफल भएको उनको भनाइ छ ।
रामधुनीको सबैभन्दा ठुलो क्षेत्रफलमा सञ्चालित उक्त फर्मबाट हरेकबर्ष उन्नत बयर तथा निर्मल जातको बोका–बाख्रा उत्पादन हुँदै आएको थियो ।
आगलागि भएको १ घण्टा पश्चात स्थानियको खबर हुनासाथ अस्थाइ प्रहरी बिट लालपुरका प्रहरीहरु घटना स्थलमा पुगेर रामधुनी न.पा. तथा इटहरी न.पा.को बारुणयन्त्र (दमकल)लाई खबर गरी आगो नियन्त्रणमा लिइएको प्रहरीले जनाएको छ ।
स्थानियका अनुसार घटना विधुत सट भई आगलागि भएको भनिएको र हालसम्म घटनोको यकिन कारण खुलि नसकेको प्रहरीले जनाएको छ । साथै थप अनुसन्धान भइरहेको प्रहरीको भनाई छ ।
