रामधुनी । झुम्का उद्योग वाणिज्य संघको निर्वाचनका लागि साझा व्यवसायी समूहले उमेद्वारी तथा प्रतिवद्धता घोषणा गरेको छ । शनिबार रामधुनी मन्दिरका पत्रकार सम्मेलन गर्दै सो समुहले आसन्न चैत्र १९ गते हुने निर्वाचनमा आफूहरुको उमेद्वारी रहेको र चुनावी अभियान सुरु भइसकेको जानकारी गराएको हो ।
दुर्गा प्रसाद फुयाल नेतृत्वमा चुनावी अभियानमा निस्किएको टिमले आफ्नो कार्यकालमा उद्योग वाणिज्य सङ्घको भवन निर्माण गर्ने प्रतिबद्धता व्यक्त गरेको छ । आफूहरू निर्वाचित भएर आएपछि सुकुम्वासीको अवस्थामा रहेको भवनलाई जग्गा व्यवस्थापन गरी भवन निर्माण गर्ने अध्यक्ष पदका उम्मेदवार दुर्गा प्रसाद फुयालले बताए । आफ्नो टिम व्यवसायीको हितमा काम गर्नको लागि मदबुद रहेको उनको भनाई छ ।
अव्यवस्थित रूपमा रहेको व्यवसायीलाई व्यवस्थित बनाउने, बजार क्षेत्रको यातायातलाई सहज बनाउने, व्यवसायीलाई सुरक्षित भएर व्यवसाय गर्नका लागि सिसी क्यामेरा जडानको कार्य गर्ने, कर प्रणालीलाई प्रविधिमैत्री बनाउने लगायतका प्रमुख एजेन्डा रहेको सो समुहले जानकारी गराएको छ ।
सो समूहमा अध्यक्ष दुर्गा प्रसाद फुयाल, प्रथम उपाध्यक्ष राम कुमार चौधरी (राजकुमार,) दितृय उपाध्यक्ष लक्ष्मी प्रसाद भट्टराई, महासचिव पुष्प दाहाल, वाणिज्य सचिव राजकुमार साह(राजु), उद्योग सचिव हरीराम चौधरी, प्रचार सचिव चन्द्रकला रिजाल(धिताल), कोषाध्यक्षमा नन्दलाल ढुङ्गाना (सन्तोष) छन् । यसै गरी सदस्यहरूमा ओमप्रकाश साह (सुरेश), रबिन कुमार श्रेष्ठ, सुनिल पोख्रेल, सुवास घिमिरे, स्टेला राई, नारायण चौधरी र सुदिप श्रेष्ठ उम्मेदवार रहेका छन् ।
