रामधुनी । सुनसरीको रामधुनी नगरपालिका वडा नं. १ मा जारी प्रथम रामधुनी महोत्सव–२०८० मा आज आइतबार गायिका तथा मोडल ज्योती मगर आउने भएकी छिन् ।
साँझ ९ बजेदेखि १० बजेसम्म गायिका तथा मोडल ज्योती मगरको प्रस्तुति रहने आयोजक रामधुनी युवा क्लवले जनाएको छ । महोत्सवमा रोटेपिङ्ग, कोलम्बस, ट्राईगन र बच्चाका विभिन्न खेलहरू आकर्षणको रूपमा रहेको क्लवका अध्यक्ष होमकाजी राईले जानकारी दिए ।
युवा नेतृत्व विकास, रामधुनी नगरको साँस्कृतिक पहिचान, पर्यटन प्रवर्धन, नगरको व्यवसायिक प्रवर्धन, रामधुनी मन्दिरको धार्मिक प्रवर्धन गर्ने उद्देश्का साथ जेष्ठ १९ गते देखि सुरु भएको महोत्सव असार ५ गतेसम्म सञ्चालन रहने छ ।
