सुनसरी । जिल्लाकाे कोशी गाउँपालिकामा मोटरसाइकल दुर्घटना हुदाँ एकको मृत्यु भएको छ । सोमबार साँझ भएको दुर्घटनामा तीन जना घाइते भएको जिल्ला प्रहरी कार्यालय सुनसरीले जनाएको छ।
कोशी गाँउपालिका–४ स्थित कटानमा भएको दुर्घटनामा उदयपुर तपेश्वरका ५० वर्षीय निरीराज गिरीको मृत्यु भएको हो । पूर्वबाट पश्चिमतर्फ जाँदै गरेको को २२प ८०४९ नम्बरको मोटरसाइकलका चालक गिरीको उपचारका क्रममा जिल्ला अस्पताल इनरुवामा मृत्यु भएको प्रहरीले जनाएको छ ।
सोही मोटरसाइकलमा पछाडी सवार फत्तेपुर नगरपालिका–२ का ५० वर्षीय भक्त बहादुर बिष्ट, को २९ प ७८५३ नम्बरको मोटरसाइकल चालक इनरुवा नगरपालिका–४ का २३ वर्षीय सबिर आलमको नोबेल अस्पताल बिराटनगरमा उपचार भइरहेको छ भने को २९ प ७८५३ नम्बरको मोटरसाइकल पछाडी सवार रहेका इनरुवा नगरपालिका–४ का ३३ वर्षीय रियाज मियाको जिल्ला अस्पताल इनरुवामा उपचार भइरहेको जिल्ला प्रहरी कार्यालय सुनसरीले जनाएको छ ।
