रामधुनी नगरपालिकाको वडा नम्बर १ देखि ५ सम्मको सामाजिक सुरक्षा भत्ता कात्तिक ३ बाट वितरण गरिने भएको छ ।
रामधुनी नगरकार्यपालिकाको कार्यालयले झुम्कास्थित नेपाल बैंकलाई पठाएको पत्रअनुसार यस आर्थिक वर्षको पहिलो चौमासिक (श्रावण–कात्तिक) सम्मको भत्ता सोही बैंकमार्फत वितरण गर्न लागिएको हो ।
जसअन्तरगत वडा नम्बर १ को कात्तिक ३ र १३ गते, वडा नं. २ को कात्तिक ६ र १४ गते, वडा नम्बर ३ को कात्तिक ५ र १५ गते, वडा नम्बर ४ को ७ र १७ गते र वडा ५ को कात्तिक ४ र १८ गते वितरण गरिने भएको छ । कात्तिक ८ गते भने छुटपुट भएको पाँच वटै वडाको भत्ता वितरण गर्ने पत्रमा उल्लेख छ ।
कात्तिक ८ र १५ गते बिहान १० बजेदेखि ३ बजेसम्म भत्ता वितरण हुनेछ भने बाँकी दिन ४ बजेसम्म वितरण हुनेछ ।
