सुनसरी । बराहक्षेत्र नगरपालिका ५ मा रहेको संस्थागत मुन बिम एकेडेमीले आइतबार १६ औं अभिभावक दिवस मनाएको छ।
अभिभावकहरु सहभागी भएको सो कार्यक्रममा विद्यार्थीहरुले आफुले बनाएका विभिन्न हस्तकला, चित्रकला, रोबर्ट, हिटरलगायत विभिन्न प्राविधिक सामाग्री प्रदर्शन समेत गरेका थिए । ति सामाग्रीलाई ृउपस्थित प्रमुख अतिथि, अतिथि, अभिभावकलगायतले अवलोकन समेत गरेका थिए । विद्यार्थीले बनाएका सामाग्रीलाई भोट समेत गरिएको थियो ।
टोकनको माध्यमबाट भोट दिने र भोट बढी पाउनेले पुरस्कार पाउने प्रिन्सिपल देवेन्द्र विष्टले बताए । कार्यक्रममा विद्यालयले गत वर्ष एसइइ दिने विद्यार्थीमध्ये उत्कृष्ट विद्यार्थीलाई सम्मान गरेको छ । अन्य सबै विद्यार्थीहरुलाई मायाको चिनो प्रदान गरेको छ ।
।
कार्यक्रममा विद्यार्थीहरुले विभिन्न भेषभुसामा सजिएर नृत्य, गायन, सन्देश मुलक नाटक समेत प्रस्तुत गरेका थिए । उक्त कार्यक्रममा मुन बिम एकेडेमीका विद्यालय व्यवस्थापन समितिका अध्यक्ष साथै कार्यक्रमका सभापति भक्तबहादुर थापाले अभिभावक र विद्यार्थीहरुको साथ र मायाले गर्दा कक्षा ६, १० हुँदै अहिले १२ सम्म संचालन गर्न सफल रहेको बताए । यस्तै साथ र सहयोग पाए आगामी दिनमा स्नातक समेत यसै विद्यालयमा पढाइ हुने उनले बताए ।
यता स्कुल पिन्सिपल विष्ट अहिले ११ कक्षा संचालन गरिसकेको र अब आउने शौक्षिक वर्षमा अन्य विषय समेत थपेर लैजाने बताए । कार्यक्रममा प्रमुख अतिथि प्याब्सन प्रदेश नम्बर १ सचिव अमृत थापाले यस विद्यालय बराहक्षेत्र मात्र नभइ जिल्ला हुँदै प्रदेशमा समेत आफ्नो नाम राख्न सफल भएको बताए । विभिन्न विधाहरुमा जिल्ला तथा प्रदेश उत्कृष्ट समेत भएको बताए ।
