कोरोना भाइरस संक्रमण फैलिरहएका बेला बराहक्षेत्र नगरपालिकामा रोकथाम तथा सतर्कताका लागि विभिन्न क्रियाकलाप भइरहेको छ । यो लकडाउनको समयमा विपन्न परिवारको जीविकोपार्जनमा समेत समस्या हुने भन्दै यतिबेला विभिन्न व्यक्ति तथा संघसंस्थाहरुले सहयोग तथा राहत वितरण गर्दै आइरहेका छन् ।
त्यसैक्रममा बराहक्षेत्र नगरपालिकाले खडा गरेको प्रकोप व्यवस्थापन राहत कोषमा बराहक्षेत्र निर्माण व्यवयायी संघले ५१ हजार रुपैयाँ जम्मा गरेको छ । चक्रघट्टिमा रहेको माछापुच्छ्रे बैंकमा नगरपालिका लेखा शाखा अधिकृत बिरेन्द्र यादव र सामाजिक शाखाका अरुण कुमार मेहताको नाम खाता खोलेको नगरपालिका सूचना अधिकृत पुकार पोखरेलले बताए ।
संघले ५१ हजार बिहीबार बराहक्षेत्र नगरपालिकाको कार्यालयमा गइ मेयर निलम खनाल हस्तान्तरण गरेको संघका अध्यक्ष राम रायमाझीले बताए । यता रायमाझीले अहिले देश विपतको बेलामा रहेको अवस्थामा संगठको तर्फबाट थोरै भए पनि राहत हुने भएकाले सहयोग गरेको बताए । राहत रकम नगरका विपन्नहरुको पहिचान गरी प्रदान होस् भनेर संघले सो रकम कोषमा हस्तान्तरण गरेको बताए ।
हस्तान्तरण कार्यक्रममा संगठनका महासचिव दिपक कार्की, उपाध्यक्ष रमेश विष्ट, सदस्य सुरज भण्डारी लगायत उपस्थित थिए ।
यता प्रकोप राहत कोषमा बिहीबारनै चतरामा रहेको औलिया बाबा बचत तथा ऋण सहकारी संस्थाको तर्फबाट रमेशकुमार विष्टले १० हजार १ सय ११ रुपैयाँ हस्तान्तरण गरे । यस्तै मदन भण्डारी फाउण्डेशन बराहक्षेत्रबाट १ लाख ५ रुपैयाँको चेक हस्तान्तरण गरिएको छ ।
बराहक्षेत्र निर्माण व्यवसायी वराहक्षेत्र ८ स्थित गरिमा काष्ठ तथा फर्निचर उद्योगबाट ५ हजार नगद प्रदान गरिएको बराहक्षेत्र नगरपालिकाकाले सूचना अधिकृत पोखरेलले बताए ।
