सुनसरीको बराहक्षेत्र नगरपालिका वडा ३ बिचपानी चौक अगाडि रहेको नहरमा बेबारिसे महिलाको शव फेला परेको छ ।
नहरमा बग्दै आएको हुन सक्ने शव बिचपानी चौक अगाडि नहरको छेउमा शवदेखि पछि स्थानीयले प्रहरीलाई खबर गरेका थिए । प्रहरीले महिलाले लगाएको पेन्टमा एउटा पासपोर्ट साइजको तस्बिर र युगल लिम्बुको ग्रेस इङलिस स्कुलको आइडी कार्ड समेत भेटिएको भेट्टाएको छ ।
जुन पासपोर्ट साइजको तस्बिरमा रहेको महिला भारत सरकारको आयकर बिभागको स्थायी लेखा संख्या कार्ड समेत साथमा भेटिएको इलाका प्रहरी प्रमुख सरणकुमार दाहालले बताए ।
उक्त कार्डमा सरिता देवन नाम रहेको प्रहरीले जनाएको छ । शवको अवस्था हेर्दा जिन्सको कालो पेन्ट तथा रातो भेष्ट लगाएको, अनुहार चिनिने अवस्था नभएको र आधा लुगा खुलेको अवस्थामा भेटिएको बराहक्षेत्र ३ का वडाध्यक्ष रुद्र दाहालले बताए ।
उक्त शवलाई प्रहरीले सबै प्रक्रिया पुरा गरि बराहक्षेत्र नगरपालिकाको ट्याक्टरमा पोस्टमार्टमका लागि धरान स्थित बिपी हस्पिटल पठाएको समेत दाहालले बताए ।
उक्त शव अन्दाजी ३५ वर्षको हुन सक्ने दाहालले अनुमान समेत गरेका छन् । उक्त शव नेपालको नभई भारत बस्ने महिलाको हुन सक्ने समेत उनले बताए ।
