बराहक्षेत्र नगरपालिका वडा नम्बर ३ को कार्यालय शनिबार शिलान्यास गरिएको छ । बराहक्षेत्रको नडाहा चौकमा वडाध्यक्ष रुद्र दाहालले कार्यालयका भवन शिलान्यास गरे ।
बराहक्षेत्र ३ मिलन चौकमा रहेको ६ कठ्ठा जग्गामा निर्माण गर्न नगरपालिकाले ठेक्का लगाए पनि अध्यक्ष दाहालले एकल निर्णय अनुसार शिलान्यास गरेका हुन् ।
विविध कारणवस निर्माण हुन नसक्दा गत वर्ष छुट्याइएको बजेट अन्य शीर्षकमा खर्च गरिएको थियो । स्थानीय, समाजसेवी तथा समाजिक आगुवाहरुको उपस्थितिमा वडाध्यक्ष दाहालले वडाकार्यलयको शिलान्यास गरेका हुन् । कार्यालयको भवन निर्माणमा वडाध्यक्षले पहल गरेका छन् भने स्थानीय वडाबासीले आर्थिक सहयोग गरेका छन् ।
नगरपालिकाको बजेट नभए पनि स्थानीय स्रोतबाट भवन निर्माण गर्ने वडाध्यक्ष दाहालले बताए । उक्त भवन निर्माण गर्न केशव पुरीको अध्यक्षतामा ९ सदस्यीय निर्माण समिति समेत गठन गरिएको छ । समितिको उपाध्यक्षमा कमला थापा, सचिव बिदुर भट्टराई, कोषाध्यक्ष भिमदल राईलगायत छन् । सँगै दुर्गाप्रसाद राईको संयोजकमा १० सदस्यीय सल्लाहकार समिति समेत गठन गरिएको निर्माण समितिका अध्यक्ष पुरीले बताए ।
करिब १५ लाख बराबरको बजेटबाट उक्त भवन निर्माण हुने पुरीले बताए । भवन शिलान्यास कार्यक्रममा केही व्यक्तिले सहयोग गर्ने प्रतिवद्धता समेत जनाएका छन् ।
वडाध्यक्ष दाहालले लामो समयदेखि रोकिएको वडा कार्यालयको निर्माण अबको डेढ महिना भित्र सम्पन्न हुने उल्लेख गर्दै केही समस्याहरु लकडाउन पश्चात समाधान गर्दै जाने बताए । कार्यालय निर्माणका लागि बराहक्षेत्र ५ दिपादिल कन्स्ट्रक्सन बराहक्षेत्र ५ ले ८१ लाख ३९ हजार ३ सय २५ रुपैयाँ ४२ पैसामा ठेक्का पाएको छ । गत फागुन २३ गते बोलपत्र स्वीकृत भएको थियो ।
वडा कार्यालय शिलान्यास भएनभएको विषयमा आफूलाई थाहा नभएको मेयर निलम खनालले बताए ।
