सुनसरीको बराहक्षेत्र नगरपालिका १ चतरामा रहेको सशस्त्र प्रहरी बल नेपालले दुई बालिकालाई उद्वार गरेको छ । धरान ११ बस्ने १४ र १७ वर्षीया बालिकालाई बराहक्षेत्रबाट शनिबार उद्धार गरेको हो ।
लाहान भनेर जनकपुर लैजान लागेको अवस्थामा बालिकालाई उद्धार गरेको सशस्त्र प्रहरी प्रमुख असोक न्यौपानेले बताए ।
उनीहरु एक बालिकाको आमा र अर्कीकी दिदीले जनकपुर ७ घर भएका ललन मण्डलकोसाथ आउन भनेपछि बालिकाहरु मण्डलको ज १ प ८४८५ नम्बर मोटसाइकलमा धरानाट आएको न्यौपानेले बताए ।
चतराहुँदै लाहन लैजाने क्रममा सशस्त्र प्रहरी बल चतराको एक चेकपोस्टबाट तीव्र गतिमा भागेपछि भण्डारीटारमा रहेको अर्को चेकपोस्टबाट मण्डलसहित बालिकाहरुलाई नियन्त्रणमा लिइएको थियो । सोधपुछको क्रममा मण्डलले एनसीसी बैंक लहान शाखाको आइडी कार्ड देखाएको र आफू बैंकको चालक भएको बताएका थिए ।
मण्डलले आफ्नो साहुको छोरीहरु भएको र धरानमा हस्पिटलमा रहेका बिरामी बुवालाई भेटेरे आएको स्पष्टीकरण दिएका थिए । त्यसपछि भेरिफाइका लागि न्यौपानेले बालिकाको आमालाई फोन गरेका थिए । सोधपुछको क्रममा आमाले भर्ना गरिएको वार्ड थाहा नभएको र आफू बाहिर रहेको बताएपछि झन् शंका उत्पन्न भएको प्रमुख न्यौपानेले बताए ।
तीनै जनासँग सोधपुछ गर्दा फरकफरक कुरा आएपछि उनीहरुलाई बेस क्याम्प लगिएको थियो । ती बालिकाहरुलाई उनका आमाले भने लकडाउन भरीसम्म काम गर्नु लकडाउन सकेपछि घर आउनु भनेको र आमाले पठाएपछि मात्र आएको बताएका थिए ।
उनीहरुले मानव बेचबिखनमा संलग्नता भएको हुनसक्ने भन्दै इलाका प्रहरी कार्यालय महेन्द्रनगरलाई बुजाएको न्यौपानेले बताए ।
