रामधुनी । पत्रकार शिशिर भट्टराईको संयोजकत्वमा प्रेस संगठन नेपालको रामधुनी नगर कमिटी गठन भएको छ ।
प्रेस संगठन सुनसरी जिल्ला कमिटीले झुम्कामा एक कार्यक्रम गरि बिहीबार भट्टराईको संयोजकत्वमा रामधुनीमा ७ सदस्यीय कमिटी टुंगो लगाएको हो ।
जसमा मान्यता शाह सह–संयोजकको रुपमा चयन भएकी छन् । त्यस्तै सदस्यहरुमा– तुलसी खड्का, प्रकृति रौनियार, अमन ढुंगेल, अञ्जना चौधरी र सुरज सदा रहेका छन् ।
संगठनका जिल्ला संयोजक श्रीशिसा राइको अध्यक्षतामा भएको कार्यक्रममा प्रेस संगठन नेपाल १ नम्बर प्रदेश संयोजक राजन केडी, संगठनका सुनसरी सह–संयोजक शेखर ढकालको उपस्थिति रहेको थियो ।
त्यस्तै, नेपाल कम्युनिष्ट पार्टी (नेकपा) का नेताहरु योग्यराज खड्का, नन्दकुमार बस्नेत, श्यामनारायण राजधामी, राम कोइराला लगायतको उपस्थिति रहेको थियो ।
