बराहक्षेत्र । सुनसरीको बराहक्षेत्र नगरपालिका वडा ५ कालाब्न्जार चौकमा संविधान दिवसको अवसरमा लायन्स क्लब अफ बराहक्षेत्र कालान्जारले रक्तदान कार्यक्रम सम्पन्न गरेको छ ।
उक्त रक्तदान कार्यक्रममा ६३ पाउण्ड रगत संकलन भएको अध्यक्ष देबेन्द्र बिष्टले बताए । जसमा ३ महिला र ६३ पुरुष गरि ६६ जनाले रक्तदान गरेका थिए ।
अहिले देशमा कोरोना भाइरसको कारणले गर्दा उपचारमा रहेका बिरामीहरुलाई रगतको अभाव हुने भएकोले उक्त अभाव हुन नदिन पहिलोपटक लायन्स क्लब अफ बराहक्षेत्र कालाबन्जारले रक्तदान कार्यक्रम गरेको थियो ।
कार्यक्रम सफल पार्न लोकल सिन कालाबन्जार, मंगलम हार्डवेयर र ऋइ बराह मार्बल तथा सेनेटरीले विशेष सहयोग र नेपाल रेडक्रस सोसाइटी शाखा धरानको प्राविधिक सहयोग रहेको विष्टले बताए ।
उक्त रक्तदान कार्यक्रममा बराहक्षेत्र नगर प्रमुख निलम खनाल प्रमुख आतिथि रहेका थिए भने देवेन्द्र बिष्ट सभापति थिए ।
