सुनसरी । नेपाल खेलकुद महासंघ सुनसरी जिल्ला कमिटिले जिल्लाका विभिन्न प्रहरी चौकीमा स्वास्थ्य सामाग्री हस्तान्तरण गरेको छ ।
सुनसरीका विभिन्न ६ स्थानमा रहेका प्रहरी कार्यालयहरुमा महासंघले मास्क ,सेनिटाइजर, साबुन वितरण गरेको हो ।
केन्द्रीय कमिटिको अभियान अन्तर्गत जिल्ला संघले फ्रन्टलाइनमा खटिने प्रहरीहरुलाई कोभिड १९ को बेला जाेिखम कम हाेस् भन्ने उद्देश्यले सोमबार स्वास्थ्य सामाग्री हस्तान्तगर गरेको खेलकुद महासंघ सुनसरी जिल्ला संयाेजक पुष्प कार्कीले बताए ।
उनका अनुसार खेलकुद महासंघ सुनसरीले इलाका प्रहरी कार्यालय (इप्रका) पकली, इप्रका चक्रघट्टी, प्रहरी चौकी बाङे, प्रहरी चौकी कालाबन्जार, प्रहरी चौकी नहडा र प्रहरी चौकी चतरामा मास्क, साबुन, सेनिटाइजरलगायतका स्वास्थ्य सामाग्री हस्तान्तगरण गरेको हो ।
स्वास्थ्य सामाग्री हस्तान्तरणमा केन्द्रिय कमिटी स्थायी कमिट सदस्य सुरेश कार्की, सुनसरी जिल्ला कमिटीका पदाधिकारी, केन्द्रिय सदस्य, प्रदेश कमिटी सहसंयोजक भेषराज कार्कीलगायतको उपस्थिति रहेको थियो ।
संघले जिल्लाका अन्य प्रहरी कार्यालयहरुमा समेत स्वास्थ्य सुरक्षा सामाग्री वितरण गर्ने याेजना रहेकाे जनाएकाे छ ।
