इटहरी । सूर्यदेवको श्रद्दा भक्तिपूर्वक आराधना र पूजा गरि मनाइने छठ पर्वको तयारी इटहरीकाे बुढीगंगा जमुना मुक्तिधाममा सम्पन्न भएको छ । भाइ टिकाको भोलि पल्टबाट लगातार चार दिनसम्म सञ्चालन हुने छठ पुजाको अन्तिम तयारी भइरहेको हो ।
मुक्तिधाममा ४५० को हारहारीमा पूजा स्थल निर्माण भएका छन् । त्यसमा ४०० भन्दा धेरै बुक भइसकेको छठ सेवा समितिका अध्यक्ष मनोजकुमार चौधरीले बताएका छन् ।
बुक भइसकेका पूजा स्थलको शनिवार सम्पुर्ण व्रतालुलाई हस्तान्तरण गरिएको जानकारी दिएका छन् । उनका अनुसार सुरक्षा व्यवस्थालाई पनि कडा बनाउन सुन्दरहरैचा नगरपालिका, बेलबारी प्रशासन र इटहरी इलाका प्रहरी कार्यलय, प्रदेश एक ट्राफिक प्रहरी कार्यालयलाई समन्वय गरी सुरक्षा बेवास्ता मिलाइएको जानकारी दिएका छन् ।
त्यसैगरी यो वर्ष २ लाख भन्दा धेरै भक्तजन आउने अपेक्षा गरिएको छठ सेवा समितिका निवर्तमान अध्यक्ष वासुदेव शाहले जानकारी दिएका छन् । उनले विगतका वर्षहरुभन्दा यो वर्ष घाटमा पुजा स्थलको संख्या बढाइएको पनि जानकरी दिएका छन् ।
छठ पर्वको पहिलो दिन शुक्रवार राधा कृष्ण मन्दिरबाट सुर्यनारायण भगवानको मन्दिरसम्म कलश यात्रा गरी शुभारम्भ पनि गरिएको छ । जहाँ १० हजार श्रद्धालुले सहभागिता रहेकाे थियाे ।
