रामधुनी । विगत लामो समयको प्रतिक्षापछि रामधुनी नगरपालिकाले नगरक्षेत्र भित्र भएका अग्नीजन्य घटनाको नियन्त्रणका लागि आफ्नै बारुणयन्त्र आज बिहीबारबाट पूर्णरुपमा सञ्चालनमा आएको छ ।
नागरिकाको अवश्यक्तालाई मध्यनजर गरेर २०७४ सालको निर्वाचन पछि जयप्रकाश चौधरी मेयर भएको समयदेखि रामधुनी बासीले नगरको दमकल आवश्यक्तालाई पूरा गर्न विगत ४ बर्षदेखि माग गरिएको थियो । सोही अनुसार २०७९ साल असार ८ गतेका दिन रामधुनी नगरपालिकामा दमकल आएको भए पनि पूर्ण रुपमा सञ्चालनमा आएको थिएन् ।
आफ्नो नगरपालिकामा कुनै पनि आग्नीजन्य घटन हुँदा अन्य नगरपालिकाको दमकलले आगो नियन्त्रण गर्नुपर्ने समस्या थियो । कुनै आगलागी भएको खण्डमा अरु पालिकाको दमकल बोलाउदा जनधनको ठूलो क्षति भोगेका रामधुनी बासिलाई समस्या समाधान गर्न दमकल सञ्चालनमा ल्याएको नगरपालिकाले जनाएको छ ।
रामधुनी नगरपालिकाको मुख्य बजार क्षेत्रमा रहेको सुबिधा सम्पन्न म्याजिक सिनेमा हलमा विधुत सट भएर भएको आगलागीका कारण करिब २ कराेड बराबरको क्षेति भएको थियो ।
स्थानिय सरकार भएर पनि नगरिकलाई अति आवश्यक पर्ने दमकल, ऐम्बुलेन्स जस्ता अत्यावश्यकका साधनहरु ल्याउन नसकेको भन्दै नगरपालिकाको हरेक सार्वजनिक सुनुवाईमा नगरबासीहरुलाई नगरपालिकाले स्पष्टिकरण दिनुपरेको थियो ।
हाल नगरपालिकाले स्वास्थ्य समस्या भएका नगरबासीका लागि ऐम्बुलेन्स, आगलागी नियन्त्रणका लागि दमकल तथा मृत्यु पछि शव बोक्ने शव वहान सञ्चालनमा ल्याएको अवस्था छ ।
