प्रतिबन्धीत लागुऔषधी गाँजा सहित सुनसरीका २ जनालाई इलाका प्रहरी कार्यालय मधुवनबाट खटिएको टोलीले पक्राउ गरेको छ ।
बराहक्षेत्र नगरपालिका –११ बाट सोमबार रातीको समयमा प्रहरी कार्यालय मधुवनबाट खटिएको गस्ति टोलीले संकास्पद अवस्थामा रहेको बा. ११ च ३०७२ नम्बरको स्कारपियो गाडी चेकजाँच गर्ने क्रममा गाडी भित्र १सय ७५ के.जी. बराबरको लागुऔषध गाँजा तथा नगद १ लाख १ हजार ४ सय २५ रुपैया समेत बरामद गरेको हो ।
सवारी चालक इटहरी उपमहानगरपालिका–४ बस्ने ३१ बर्षीय मनिस दर्नाल तथा सहचालक ३१ बर्षीय योगेन्द्र बजगाईलाई हिरासतमा लिएको प्रहरीले जनाएको छ । उनीहरुको साथबाट बरामद भएको गाँजा तथा नगद रकम सहित स्कारपियो गाडीलाई समेत हिरासतमा लिई थप अनुसन्धान सुरु गरिएको इलाका प्रहरी कार्यालय महेन्द्रनगरले जनाएको छ ।
प्रतिबन्धति लागु औषधी सहित पक्राउपरेका उनीहरुलाई लागु औषधी ऐन २०३३ बमोजिम सुनसरी जिल्ला अदालतमा मुद्धा दर्ता गराई घटनाबारे थप अनुसन्धान भैरहेको जिल्ला प्रहरी कार्यालय सुनसरीले जनाएको छ ।
