सुनसरी । हरेक वर्ष चौमासिक रुपमा सञ्चालन गर्दै आएको सार्वजनिक सुनुवाई कार्याक्रम रामधुनी नगरपालिकाले स्थगित गरेको छ ।
कार्तिक २९ गते आयोजना हुने भनिएको उक्त कार्यक्रममा नगरका कर्मचारीहरुलाई निर्वाचनमा खटाइएको हुनाले सार्वजनिक सुनुवाई गर्न नसकिएको प्रमुख प्रशासकिय अधिकृत कमल बहादुर थापाले जानकारी दिए ।
जनताको सार्वजनिक असन्तुष्टी, गुनासो सुन्ने तथा नगरले चार महिना भित्रको अवधिमा सम्पन्न गरेका योजना कार्यान्वयन साथै तिनको अवस्था बारेमा जनतासंग प्रत्यक्ष चासोको बिषय रहेको हुनाले कार्यक्रम स्थगित भएको नगर प्रमुख शंकरलाल चौधरीले बताए ।
नगरपालिकाले आज सोमबार एक सुचना जारी गर्दै कार्यक्रम स्थगित गरेको हो ।
आगामी मंसिर ४ गते हुने प्रतिनिधिसभा तथा प्रदेश सभाको निर्वाचनमा नगरपालिकाका अधिकांस कर्मचारीहरु खटाइएको हुनाले उक्त कार्यक्रम स्थगित गरिएको सुचनामा उल्लेख छ ।
साथै निर्वाचन लगत्तै सुचना प्रकाशन गरेर कार्यक्रम सञ्चालन गरिने नगर प्रमुख चौधरीले खबरबिटलाई जानकारी दिए ।
“जनतासंग प्रत्यक्ष चासो राख्ने विषय रहेको तथा नगरको चार महिनाको अवधिमा गरेको काम आम जनमानसमा नपुग्ने त्यस्तै नगरका अधिकांस कर्मचारीहरु निर्वाचनमा खटिएको हुनाले स्थगित गरेका हौ,” उनले भने ।
