सुनसरी । नेपालको प्रमुख चार पवित्र तिर्थ मध्ये एक विशेष तथा प्रमुख स्थलका रुपमा सुनसरीको बराहक्षेत्र मन्दिरमा राष्ट्रपति विद्यादेवी भण्डारी मकर स्नानका लागि आइपुगेकी छिन् ।
माघे सङ्क्रान्ति अर्थात् माघी पर्वका अवसरमा नेपालका चार धाममध्येको सुनसरीको बराहक्षेत्रको दर्शनका लागि नेपाली सेनाको हेलिकप्टरमार्फत राष्ट्रपति भण्डारी आज बिहान बराह क्षेत्र मन्दिर परिसरमा आएकी पुग्नुकी हुन् । मकर स्नान, पुजा साथै बराहदेवताको दर्शनका लागि राष्ट्रपति यहाँ आइपुग्नुभएको सुनसरीका प्रमुख जिल्ला अधिकारी इन्द्रदेव यादवले जानकारी दिएका छन् ।
राष्ट्रपति भण्डारीले आजै बराहक्षेत्रको दर्शन पश्चात धरानको विजयपुरस्थित मन्दिरको अवलोकन गर्ने कार्यक्रम रहेको छ । आजका दिन बराहक्षेत्रमा स्नान गर्दा अनन्तकालसम्म भगवानको धाममा बस्न पाइन्ने हिन्दु र्धमालम्बिहरुको धार्मिक विश्वास रहेको छ ।
यस दिन बराहक्षेत्रस्थित कोका कौशिकीमा स्नान गरे विगतमा गरेको गल्तीबाट मुक्ति पाइने जनविश्वास रहेको छ । हरेक वर्षको माघ १ गते यस क्षेत्रमा भव्य मेला लाग्ने गर्दछ ।
