सुनसरी । मन्त्रिपरिषदलाई पूर्णता दिने विषयमा सत्ता साझेदार दलहरुको बैठक बालुवाटारमा सुरु भएको छ । आज विहान करिब ५ घण्टा लामो वार्ता पश्चिात पूर्णता दिनका लागि प्रधानमन्त्री दाहालले मन्त्रिपरिषद विस्तार तथा सरकार पूर्णताका लागि बैठक आह्वान गरेका हुन् ।
एमाले अध्यक्ष केपी शर्मा ओलीको निज निवासमा विहान १० बजे प्रधानमन्त्री दाहाल लाञ्च मिटिङ्गसहितको वार्ता बालकोटमा बसेको थियो । उक्त छलफलमा एमालेले २ राज्यमन्त्रीसहित ८ मन्त्रालय, माओबादी केन्द्रले ४ मन्त्रालय पाउने भएको छ ।
त्यस्तै सत्ता गठबन्धनको अर्को प्रमुख दल रहेको राष्ट्रिय स्वतन्त्र पार्टीले ३, राष्ट्रिय प्रजातन्त्र पार्टी (राप्रपा) र जनता समाजबादी पार्टी (जसपा)ले २–२ मन्त्रालय पाउने भएका हुन् । त्यस्तै लोसपाले १ र नेकपा एकीकृत समाजवादी सरकारमा आए रोजेको मन्त्रालय पाउने बताइएको छ ।
बैठकमा एमाले अध्यक्ष ओली, रास्वपा सभापति रवि लामिछाने, जसपा अध्यक्ष उपेन्द्र यादव र राप्रपा अध्यक्ष राजेन्द्र लिङ्देन लगायतका शिर्षनेताहरुको उपस्थितमा बैठक जारी छ ।
