सुनसरी । संघीय संसद भवनकाे अगाडी आफैंलाई आगो लगाएर आत्महत्याको प्रयास गरेका इलामका प्रेम प्रसाद आचार्यकाे उपचारका क्रममा आज विहान अस्पतालमा निधन भएकाे छ ।
इलाम पञ्चकन्या स्थायी घर भएका आचार्यले हिजाे बेलुका प्रधानमन्त्री दाहाल सवार रहेकाे गाडी अगाडी आफैं माथी पेट्रोल खन्याएर आगो लगाएर आत्मदाहको प्रयास गरेका थिए ।
बानेश्वरबाट तीनकुने मार्गको मुख्य सडकको बीचमा नै आचार्यले आगो लगाएका थिए । उनले आत्मदाह गर्नुपुर्व आचार्यले आफुले व्यवसायिक रुपमा कार्यगर्दै जीवनयाप गर्दै आएको र अनेकौ प्रयास गर्दा समेत असफलता मात्र प्राप्त गरेको आफ्नो फेसबुक स्टाटसमा लेखेका छन् । उनले आफ्नो फेसबुक मार्फत राज्यको राज्य प्रणाली प्रति प्रश्नहरुको निबन्द जसरीनै राखेर देशमा गर्न खोज्दाको आफ्नो अनुभव र दुःख व्यक्त गरेका छन् ।
आत्मदाहको प्रयास गरेका उनलाई प्रहरीले उद्धार गरेर बर्न अस्पताल कीर्तपुर अस्पताल पुर्याएर उपचार सुरु गरिएकाे भएता पनि ८० प्रतिशत देह जलेकै कारण ज्यान गुमाउनु परेकाे उनकाे उपचारमा खटिएका डाक्टरहरूकाे भनाइ छ ।
