सुनसरी । भारतबाट नेपाल तर्फ अबैध रुपमा ल्याउदै गरेको खाद्यमल सहित राजबिराज नपा ९ बस्ने बर्ष ३५ को ओम नारायण यादबलाई प्रहरीले पक्राउ गरेको छ ।
भोक्राहानरसिंह गा.पा ६ ईसरायल कामत स्थित हुलाकी राजमार्गमा उक्त खाद्यमल ना ६ ख ४६२५ नं.को ट्रकमा लोड गरी ल्याउदै गरेको ४२० बोरा खाद्यमल सहित चालकलाई जिल्ला प्रहरी कार्यालयबाट खटिएको सदा पोशाकको टोलिल पक्राउ गरेको हो ।
“फार्म ग्रो” १७० बोरा र “फार्मडिल बायो पोटास” २५० बोरा गरी ४२० बोर खाद्यमल बरामद गरेको हो । मंसिर २ गते बोलुका करिब ५ बजेको समयमा रु.२५ लाख बराबरको उक्त खाद्यमल, ट्रक सहित चालकलाई नियन्त्रणमा लिएको प्रहरीले जनाएको छ ।
बरामद गरिएको खाद्यमललाई सुनसरी भन्सार कार्यालय पठाइएको तथा पक्राउ गरिएको ट्रक सहित चालकलाई नियन्त्रणमा लिई थप अनुसन्धान सुरु गरिएको प्रहरीले जनाएको छ ।
