प्रतिनिधिसभा तथा प्रदेश सभा निर्वाचनको मतगणना सुरु भएको छ । निर्वाचन आयोगले ३ दिन भित्रमा मतगणना सम्पन्न गर्ने लक्ष्य गरे अनुरुप मतगणना कार्य सुरु गरेको हो ।
देशका विभिन्न स्थानमा निर्वाचन क्षेत्र अन्तर्गतको निर्वाचन कार्यलय स्थापना गरेको आयोगले सोही स्थानमा मतपेटीका लगेर मतगणना कार्य सुरु गरेको हो ।
यो समाचार तयार पर्दासम्ममा नेपाली कांग्रेसका मुस्ताङबाट उम्मेद्वारी दिएका योगेश गौचन थकाली विजयी भएका हुन् । उनले आफ्ना प्रतिद्वन्दी एमालेका प्रेम प्रसाद तुलाचनलाई ९१४ मतान्तरले हराउँदै विजयी भएका हुन ।
विजयी भएका योगेशले ३ हजार ९९२ मत प्रप्त गर्दा एमालेका प्रेम प्रसादले ३ हजार ७८ मत प्रप्त गरे भने राष्ट्रिय स्वतन्त्र पार्टीका सुदेश गुरुङले ८७ मत त्यस्तै राप्रपाका प्रविण कुमार शेरचनले १३ मत प्रप्त गरे ।
त्यसतै हालकाे अवस्था सम्ममा प्रतिनिधिसभा सदस्य तर्फ नेकपा (एमाले), नेपाली कांग्रेस, राष्ट्रिय स्वतन्त्र पार्टी, राप्रपा, जनमत पार्टीले क्रमशः १२, ८, ६, २ र २ स्थानमा अग्रता लिएको छ ।
