सुनसरी । प्रतिनिधिसभा तथा प्रदेश सभा निर्वाचको मतगणना भइ रहदा सुनसरी ३ नं. क्षेत्रमा प्रतिस्पर्धाले थप रोमान्चक मोड लिएको छ ।
सुनसरी क्षेत्र नं.३ मा नेकपा (एमाले)ले अग्रता लिएको छ । राष्ट्रिय स्वतन्त्र पार्टीका उम्मेद्वारलाई उछिन्दै नेकपा (एमाले)ले अग्रता कायम गरेको हो ।
सुनसरी क्षेत्र नं.३ मा नेकपा एमालेकी भगवती चौधरीले उनकी निकटतम प्रतिस्पर्धी कमलबाबु मैनालीलाई १९२ मतले उछिन्दै अग्रता लिन सफल भएकी हुन । त्यस्तै उनले अग्रता लिदैगर्दा उनका प्रतिस्पर्धी लोकतान्त्रीक बाम गठबन्धनको तर्फबाट नेपाली कांग्रेसका साझा उम्मेद्वार विजय कुमार गच्छदार तेस्रो स्थानमा यथावत नै रहेका छन् ।
सुनसरी क्षेत्र नं. ३मा भएको उतारचडाप सहितको निर्वाचन प्रतिस्पर्धीले आम जनताको ध्यानकृष्ट भएकोे छ । हाल त्यस क्षेत्रको मतगणना कार्य जारी रहेको छ ।
