सुनसरी । प्रतिनिधिसभा निर्वाचन २०७९ अन्तर्गत गुल्मी क्षेत्र नं. २ मा नेपाल कम्युनिष्ट पार्टी (एमाले)का गोकर्णराज विष्ट विजयी भएका छन् ।
बुधबार आएको अन्तिम नतिजामा विष्टले २८ हजार ४ सय ७६ मत ल्याई विजयी भएका हुन । उनका निकटतम प्रतिद्वन्दी नेपाल कम्युनिष्ट पार्टी (एकिकृत समाजवादी)की रामकुमारी झाँक्रीले २६ हजार ४ सय ४२ मत मात्र प्रप्त गर्न सफल रहिन् ।
२०३६ सालको विद्यार्थी आन्दोलनबाट राजनीतिप्रति आकर्षित भएका विष्टकाे राजनैतिक यात्रा अनेरास्ववियुको प्रारम्भिक कमिटी गुल्मीको सदस्य हुँदै अध्यक्षबाट सुरू भएकाे हाे । त्यस पश्चात उनले नेकपा (एमाले)को बागमती अञ्चल कमिटी हुँदै केन्द्रीय सदस्य, प्रचार विभाग प्रमुख, संगठन विभाग प्रमुख तथा युवा संघठनको केन्द्रीय विभाग प्रमुख साथै २०५९ मा एमालेको केन्द्रीय सदस्य २०५९ लगायतको जिम्मेवारी लिइ राजनैतिक यात्रालाई अधि बढाए ।
त्यस्तै आठौँ महाधिवेशन २०६५ मा पनि केन्द्रीय सदस्य निर्वाचित । युवा तथा विद्यार्थी विभाग प्रमुख समेत रहेका उनी बुद्धिजीवी विभागको इञ्चार्ज र २०७१ सालमा एमाले केन्द्रीय सचिव साथै २०७५ नेपाल कम्युनिस्ट पार्टीको स्थायी कमिटी सदस्यको जिम्मेवारी पाए ।
विष्ट प्रतिनिधि निर्वाचन २०५६ मा गुल्मी ३ बाट निर्वाचित हुँदै संविधानसभा सदस्य निर्वाचन २०७० मा गुल्मी ३ बाट निर्वाचित भएका थिए । अधिल्लो पटकको संघीय संसद् प्रतिनिधिसभा सदस्य निर्वाचन २०७४ मा गुल्मी २ बाट निर्वाचित भएका उनी पुनः निर्वाचित हुन सफल भएका छन् ।
