सुनसरी । प्रदेश १ का २ वटा छुट्टाछुट्टै भएको सवारी दुर्घटनामा २ जनाको मृत्यु भएको छ ।
पथरी शनिश्चरे नगरपालिका–२ जय चोक स्थित पुर्व पश्चिम राजमार्गमा प्रदेश १–०२–००४० प ७७८५ नम्बरको मोटरसाईकल शनिबार बिहान ७ बजेको समयमा आफै अनियन्त्रीत भई दुर्घटना हुँदा १ जनाको मृत्यु भएको छ ।
दुर्घटनाबाट घाईते भएका मोटरसाईकल चालक मिक्लाजुङ–७ मधुमल्लाका २५ बर्षिय मनिहाङ लिम्बुको उपचारको क्रममा मदन भण्डारी ट्रमा सेन्टर उर्लाबारीमा मृत्यु भएको प्रहरीले जनाएको छ ।
त्यस्तै बिर्तामोड नगरपालिका–९ स्थित भित्री सडक खण्डमा धान बोकेको प्रदेश १–०१–००१ त ८४८९ नम्वरको ट्याक्टर अनियन्त्रित भई पल्टिदा ट्याक्टरमा सवार १ जनाको मृत्यु भएको छ ।
मृत्यु हुनेमा बिर्तामोड–९ का ७२ बर्षीय बुद्धिराज श्रेष्ठ घाईते भई उपचारको लागी वि एण्ड सि अस्पताल विर्तामोड लगिएकोमा उनको अस्पताल पुराउन साथ मृत्यु भएको प्रहरीले जनाएको छ ।
दुर्घटनामा संलग्न रहेका ट्रयाक्टर चालक ज्ञान बहादुर श्रेष्ठलाई इलाका प्रहरी कार्यालय अनारमनीले नियन्त्रणमा लिई घटना सम्वन्धमा थप अनुसन्धान सुरु गरिएको प्रहरीले जनाएको छ ।
