सुनसरी । गत मंसिर ४ गते भएको प्रतिनिधिसभा तथा प्रदेश सभा निर्वाचनमा नेकपा (एमाले)बाट सुनसरी क्षेत्र नं. ३ बाट प्रतिनिधिसभा सदस्यको प्रत्यक्ष तर्फकी उम्मेद्वार भगवती चौधरी निर्वाचित भएकी छिन् ।
वि.स. २०७० सालमा भएको संविधान सभा सदस्य निर्वाचनमा तथा २०७४ सालमा भएको प्रतिनिधिसभा सदस्य निर्वाचनमा पुनः दोस्रो पटक उम्मेद्वारी दिएर नेपाली कांग्रेसका विजयकुमार गच्दारसंग दुवै पटक हार व्यहोरेकी नेतृ चौधरीले अन्ततगत्व तेस्रो पटकमा सोही क्षेत्रबाट निर्वाचित भएकी छिन् ।
विगतका लामो समयदेखि चुनावी क्षेत्रको रुपामा स्थापित गर्दै चुनावी प्रतिस्पर्धामा रहेर विजयी हासिल गर्दै आएका गच्छदारको क्षेत्रमा नेकपा (एमाले)की चौधरी निर्वाचित हुन सफल भएकी हुन् ।लामो समयको अन्तराल पछि नेकपा (एमाले)को तर्फबाट सुनसरी क्षेत्र नं.३ को प्रतिनिधि बनेर भगवती चौधरी निर्वाचित भएकी हुन् ।
अन्तिम मतपरिणाम अनुसार कुल ४० हजार ७ सय ८८ मत प्रप्त गरेकी चौधरीले गच्छदार सामु ५ हजार १ सय ८८ को मतान्तर राख्दै निर्वाचित भएकी हुन् ।
गच्दारले कुल ३५ हजार ६ सय मत प्रप्त गरे भने राष्ट्रिय स्वतन्त्र पार्टीका कमलबाबु मैनालीले ६ हजार ४ सय ५३ मत प्राप्त गरे ।
विगत २०४८ सालदेखि निरन्तर रुपमा निर्वाचित हुँदै आएका गच्छदारको सांसदीय यात्रामा पहिलो पटक अङखुस लागेको छ ।
