सुनसरी । चोरी मुद्धाका २ प्रतिवादीहरुलाई प्रहरीले पक्राउ गरेको छ ।
१ नम्बर प्रदेश प्रहरी कार्यालय बिराटनगर (RIT) को प्रहरी टोलीले २ जना फरार प्रतिवादीहरुलाई शुक्रबार प्ररहरीले पक्राउ गरेको हो ।
पक्राउ पर्नेमा मोरङको सुन्दरहरैचा नगरपालिका–६ का २८ बर्षीय देव भन्ने दिपक विश्वकर्मा र बुढीगंगा गाउँपालिका–२ का ३० बर्षीय मनिराम भन्ने मानिकचन्द्र ऋषिदेव रहेका छन ।
प्रहरीले उनिहरुलाई गाउँघरमा नै लुकिछिपी बसेको अवस्थामा फेला पारी पक्राउ गरेको हो ।
विश्वकर्मा चोरी मुद्धामा सुनसरी जिल्ला अदालतले मिति २०७८ असार ९ गतेको सजाय निर्धारण फैसला आदेशले २ महिना ७ दिन कैद र २५ हजार जरिवानाको सजाय सुनाएको थियो ।
मोरङ जिल्ला अदालतको मिति २०७९साल असार १३ गतेको सजाय निर्धारण फैसला आदेशले २ महिना ७ दिन कैद र ५ हजार जरिवाना बेरुजु रहि असुल गर्न बाँकी रहेका थिए भने ऋषिदेव चोरी मुद्धामा सजाय सुनाएको थियो ।
जिल्ला अदालत मोरङ्को मिति २०७७ फागुन ०६ गतेको सजाय निर्धारण फैसला आदेशले १ महिना ११ दिन कैद र २ हजार जरिवाना भई बेरुजु रहि असुल गर्न बाँकी रहेका थियो ।
पक्राउ परेका दुवै जनालाई कैद भुक्तानको लागी मोरङ कारागार पठाएको प्रहरीले जनाएकाे छ ।
