सुनसरी । पाँचथर र धनकुटाको सिमावर्ती ६ नम्बर बुधबारेबाट पाँचथरको जोरपोखरी तर्फ जाँदै गरेको नेपाली सेनाको गाडी दुर्घटना भएको छ ।
बा १ ग ३४४२ नम्बरको वानटन गाडी आइतबार अपराह्न इलामको माङसेवुङ गाउँपालिका वडा नम्बर ६ दारेगौंडाको उकालो बाटोमा ब्रेकफेल भइ दुर्घटना भएको थियो । दुर्घटनाबाट १५ जना घाइते भएका छन् ।
घाइते १५ मध्ये २ जनाको अवस्था केही चिन्ताजनक रहेको छ । गम्भीर अवस्थाका २ जनालाई बिराटनगर र १३ जनालाई सैनिक हेलिकोप्टरबाट उद्वार गरी साँझ काठमाडौं पठाइएको फिदिमस्थित रणशेर गणले जनाएको छ ।
दुर्घटनामा सैनिक प्युठ कााशिराम चौधरी, प्रविण खड्का, शिव राना, ओमप्रकाश थापा, नायक रवी तामाङ, रमेश चौधरी, सूर्य थारु, चन्द्रबहादुर कार्की, दिलबहादुर साही, लोटन थारु, देवीलाल सुनुवार, हवल्दार प्रकाश आचार्य, लेस नायक रञ्जित चौधरी, र जवान धर्मैश कापर घाइते भएका छन् ।
उनीहरुमध्ये चालक रवी तामाङ र नायक दिलबहादुर शाहीलाई विराटनगरमा उपचार भइरहेको सेनाको गणले जनाएको छ ।
