नेकपा एमाले अध्यक्ष केपी शर्मा ओली र राष्ट्रिय स्वतन्त्र पार्टीका सभापति रवि लामिछानेबीच शुक्रबार ओली निवास बालकोटमा भेटवातार्ग भएकाे छ । रास्वपाका लामिछनेले एमाले अध्यक्ष ओली निवासमा स्वयं गएर भेट गरेका हुन् ।
भेटमा एमाले अध्यक्ष ओलीले रास्वपा सभापति लामिछानेलाई सरकारमा जाने या नजानेबारे जिज्ञासा राखेकाे स्राेतले जनाएकाे छ । भेटलाई पुष्टि गर्दै रास्वपा महामन्त्री एवं प्रवक्ता मुकुल ढकालले भने, ‘समसामयिक विषयमा कुरा भए । एक अर्कालाई बुझ्ने कोशिस भयो ।’
सरकार गठन सम्बन्धी कुरा उठ्दा ओलीले रविलाई, ‘सरकारमा जाने, नजानेबारे के सोच्नुभएको छ ?’
लामिछानेले भने आफूहरुलाई एकल सरकार बनाउने मत प्राप्त नभएकाले आफूले त्यसबारे धेरै नसोचेको बताएका थिए । यद्यपि जसले आफ्ना मुद्दा सम्बोधन गर्छ उसलाई साथ हुनसक्ने शब्दात्मक अभिव्यक्तिमा लामिछानेले संकेत गरेकाे स्राेतले जनाएकाे छ ।
