नेपाल प्रहरीले निःशुल्क एक दिने स्वास्थ्य शिविर कार्यक्रम आईतबार सम्पन्न गरेको छ ।
नेपाल प्रहरी श्रीमती संघ तथा १ नम्बर प्रदेश प्रहरी कार्यालयको आयोजना तथा नोबेल मेडिकल कलेज टिचिङ हस्पिटल प्रा.लि.को सहकार्यमा एक दिने बृहत निस्शुल्क स्वास्थ्य शिविरको आयोजना गरिएको हो ।
१ नम्बर प्रदेश प्रहरी कार्यालय बिराटनगरको प्राङ्गणमा सञ्चालित उक्त कार्यक्रम नेपाल प्रहरी श्रीमती संघका अध्यक्ष श्री कुसुम लता सिंहले पानसमा बत्ती बालेर बिधिवत रुपमा समुद्घाटन गर्नु भएको हो ।
शिविरमा नाक, कान, घाँटी, आँखा, छाला तथा यौन रोग, हाडजोर्नी तथा नशा, दाँत,जनरल मेडिसिन, स्त्री रोग, फोक्सो सम्बन्धी रोगहरुको बिशेषज्ञ डाक्टरहरुबाट चेकजाँच गरिएको प्रहरी कार्यालय बिराटनगरले जनाएको छ ।
शिविरमा भिडियो एक्सरे, ई.सी.जी. लगायतका बिभिन्न किसिमका ल्याव टेस्टको समेत सुबिधा रहेको उक्त शिबिरमा निःशुल्क औषधी समेत बितरण गरिएको थियो ।
आइतबार सञ्चालन गरिएको उक्त शिविरमा प्रहरी कर्मचारी, पुर्व प्रहरी, अमर र अशक्त प्रहरीका सन्ततीहरु समेत गरी पुरुष २८५ जना, महिला ७६ जना र बालबालिका १० जना गरी जम्मा ३७१ जनाले सेवालिएको प्रहरी कार्यालयले जनाएको छ ।
