नेपाली कांग्रेसको संस्थापनइतर समूह संसदीय दलको नेतामा साझा उम्मेदवार उठाउन निर्णायक बैठकमा जुटेको छ। आफ्नो समूहबाट एकल उम्मेदवार उठाउन सो समूहका नेताहरू सिंहदरबारस्थित होटेल बसेरामा छलफल गरिरहेका छन्।
छलफलमा सहभागी एक केन्द्रीय सदस्यका अनुसार नेता शेखर कोइराला गगन थापाको विषयमा लचिलो बनेका छन्। शेखरको प्रस्तावमा गगन संसदीय दलमा देउवाविरुद्ध लड्ने सहमति बनेको ती नेताको दाबी छ।
यसअघि आज बिहान सो समूहको बैठक लाजिम्पाटस्थित होटेल एम्बेस्डरमा बसेको थियो। उक्त बैठकले उम्मेदवार नताेके पनि साझा उम्मेदवार उठाउने विषयमा सहमति जुटेको नेता अर्जुननरसिंह केसीले बताए। उक्त बैठकपछि होटेल बसेरामा भएको छलफलले गगनलाई अघि सार्ने निर्णय गरेको बताइएको छ।
