सुनसरी । हास्यव्यङ्गयका चर्चित कलाकार जितु नेपालद्वारा अभिनित नेपाली कथानक चलचित्र “ह्यारी की प्यारी” को ट्रेलर सार्वजनिक भएको छ ।
डा. कपिल रिजालको कथा तथा निर्देशनमा निर्माण गरिएको नेपाली कथानक चलचित्र ह्यारी की प्यारी को ट्रेलर ओएसआर डिजिटलको युटुभ च्यानल मार्फत शुक्रबार सार्वजनिक गरिएको हो ।
उक्त चलचित्रमा हास्यव्यङ्गय कलाकार जितु नेपाल तथा नायिका साम्राज्ञी राज्य लक्ष्मी साहको मुख्य भुमिकामा रहेको उक्त चलचित्रमा पछिल्लो समयमा उत्कृष्ठ अभिनयबाट दर्शक श्रोताहरुको मनजित्न सफल चर्चित कलाकार विजय बरालको अभिनय पनि देख्न सकिन्छ ।
साथै छक्का पञ्जा २, ३, हुँदै छ माया छपक्कैमा आमाको दमदार अभिनय गरेकी लक्ष्मी गिरीको अभिनय देख्न सकिने उक्त चलचित्रमा सुबास गजुरेल, रन्जना भट्टराई र सरला रिजालको अभिनय पनि देख्न सकिनेछ ।
यस चलचित्रमा कलाकार नेपाललाई हरीका रुपमा र साम्राज्ञीलाई हरीको प्यारीका रुपमा देख्न सकिन्छ भने विजयलाई हरीको साथी र लक्ष्मी गिरीलाई हरीको आमाको रुपमा अभिनयगरेको देख्न सकिन्छ ।
वि.आर.प्रोडक्सनको प्रायोजन तथा भोला रिजालको निर्माणमा निर्मित उक्त चलचित्र माघ २० गते सिनेमा घरहरुमा रिलिजको मिति तोकिएको छ ।
युटुभ मार्फत सार्वजनिक गरिएको ट्रेलर भिडियो :-
