सुनसरी । चर्चित हाँस्यव्यङ्ग्य गायक श्रीकृष्ण लुईटेल (बोके दाह्री)को नयाँ गीत सार्वजनिक भएको छ ।
‘काका हरायो’ बोलको गीत गायक लुईटलले मंगलबार आफ्नै युटुब च्यानलमार्फत सार्वजनिक गरेका हुन् ।
गायक बोके दाह्री र मनिषा पोखरेलको स्वर रहेको गीतमा संगीत पनि गायक लुईटल आफनै रहेको छ ।
अच्युत अधिकारी (ब्याए भुटान) काे शब्द तथा सुररज श्रेष्ठकाे एरेन्जमेन्टमा रहेकाे उक्त गीतकाे छाँयाकन सुमन याेन्जनले गरेका हुन् ।
बालबालिकाहरूले अंग्रेजी शब्द मात्रै घोक्दै जाँदा नेपाली संस्कृति र शब्द नै भुलेको कुरालाई गीतमार्फत उठान गरिएको छ ।
बालबालिकाका पहिलो शिक्षक अभिभावक रहेको र पहिलो विद्यालय घर भएकाले उनीहरूले घरबाटै संस्कार सिकाउने सन्देश दिनका लागि उक्त म्यूजिक भिडियो तयार पारिएको गायक लुँइटेलले बताए ।
गीतमा गायक बोकेदाह्रीका साथै अचुत अधिकारी, कृष्ण सुवेदी (बोब्ली), कृष्ण काफ्ले, कृष्ण धिमिरे, निरु कार्की, डम्बर राई, आर्यन शर्मा लगायतको अभिनय रहेको छ ।
उनका ‘ए बा किन्देउन भटभटे’, ‘बाँके बर्दिया’, ‘मुखमा हान्नु जस्तो’, ‘तेरो बाउ थोते’ लगायतका दर्जनौँ हाँस्यव्यङ्गय गीत चर्चित छन् ।
गायक बाेकेदाह्रीद्वारा सार्वजनिक गरिएकाे म्युजिक भिडियाे :-
